धनकुटा चैत्र १२ । छिमेकी मुलुक चीनबाट शुरु भई विश्वलाई नै त्रसित बनाई अनियन्त्रित रुपमा फैलिरहेको कोरोना भाइरस (कोभिड–१९) को महामारी नेपालमा पनि भित्रिएको छ । अहिले विश्वका कुनेपनि देशमा चिनिया देखे मानिसहरु त्रसित हुने गरेको पाईन्छ । यहि समयमा चारजना चिनियाँ नागरिक मूलघाटस्थित तमोर रिभर रिसोर्टमा आएपछि क्वारेन्टाइनमा पठाइएको छ ।
उनीहरूलाई रिसोर्टमै अस्थायी क्वारेन्टाइन निर्माण गरी राखिएको जिल्ला प्रहरी कार्यालयका प्रमुख प्रहरी उपरीक्षक सुदर्शनप्रसाद कोइरालाले जानकारी दिए । उनीहरु रिसोर्टमा आएको जानकारी पाएपछि जिल्ला अस्पतालमा कोरोना भाईरसको संक्रमण रहे नरहेको स्वास्थ्य परीक्षणसमेत गरिएको छ । उनीहरुलाई चिकित्सकको निगरानीमा रहनेगरी रिसोर्टको क्वारेन्टाईनमा पठाईएको छ ।
उनीहरुलाई कोरोना भाईर( कोभिड १९) को संक्रमणको कुनै लक्षण देखिएमा तत्काल अस्पतालमा मिलाइएको छ ।
ति चिनियाहरु चिनियाको लगानीमा बन्न लागेको जलाशयुक्त तमोर बहुउद्देश्यीय आयोजनामा सम्भाव्यता अध्ययन गर्न आएका इञ्जिनियर र प्राविधिकहरु हुन् । तीमध्ये इञ्जिनियर छ महनिा र अन्य प्राविधिकहरु तीन महिनादेखि सो आयोजनामा कार्यरत रहेको जनाएको छ । इञ्जिनियर यसअघि पनि रिसोर्टमा आएको रिसोर्ट सञ्चालक मोहन बान्तवाले जानकारी दिए ।
यस्तै विदेशबाट आएका ५ जना पाख्रिवासमा होमक्वारेन्टाईनमा रहेको स्थानीय प्रहरीले जानकारी दिए । कोरोना भाईरसको शरीरमा लक्षण देखिन १४ दिनसम्म लाग्ने भएकाले विदेशबाट आएका व्यक्ति १४ दिन भित्रका होभने क्वारेन्टाईनमा राखिनुपर्ने विज्ञहरु बताउँछन् ।
यो भाईरसको संक्रमण फैलिन नदिन सरकारले जारी गरेको लकडाउनलाई सफल बनाउन धनकुटामा निषेधाज्ञा जारी गरेको प्रमुख जिल्ला अधिकारी केशवप्रसाद विमलीले जानकारी दिए । दोस्रो दिन पहिलो दिनको तुलनामा अलि कडाई गरिएको प्रजिअ बिमलीले बताए । सो निषेधाज्ञाको समयमा खाद्यवस्तु पसल, दूघ, पानी, तथा औषधि पसललाई छुट दिईएको छ । यिबाहेकका पसल बन्द गरिएको छ । अति आवश्यकबाहेक सम्पूर्ण सवारीसाधनलाई रोक लगाईएको प्रजिअ बिमलीले बताए ।
निषेधाज्ञा लागू गरिएपछि धनकुटा बजारमा प्रशासन, सुरक्षाकर्मी, स्वास्थ्यकर्मी र सञ्चारकर्मीको सवारीमात्र चलिरहेको स्थानीय बताउाछन् ।
