धनकुटा । विश्वभर फैलिएको कोरोना भाईरस (कोभिड १९) लाई नेपालमा फैलन नदिई नियन्त्रण गर्न सरकारले लकडाउनले गरेको छ । यो लकडाउनको कारण देशभरका उद्योग, व्यापार, व्यवसाय सबै बन्द छन् । यो अवधिभरको हुन आउने बैंकको ब्याज मिनाहा र घरभाडा छुटकालागि धनकुटा उद्योग वाणिज्य संघले विज्ञप्तीमार्फत आग्रह गरेको छ ।
सो विज्ञप्ती संघका अध्यक्ष विजयसन्तोषी राई र वरिष्ठ उपाध्यक्ष मनकुमारी तितुङ (तारा) ले हस्ताक्षर गरी आग्रह गरेका हुन् । विज्ञप्तीमा बैंक, वित्तीय संस्था, लघुबित्त, सहकारीलगायतबाट ऋण लिएका तथा घरभाडा लिएका व्यवसायीहरुलाई राहत दिन सो आग्रह गरिएको हो । लकडाउनले सेवामुलक व्यवसायलाई धारासायी हुनबाट बचाई यस क्षेत्रको सम्वद्र्धन र प्रवद्र्धन गर्न सहयोगको गर्न आग्रह गरिएको छ ।