धनकुटा, चैत्र १७ । नेपाल सरकारले देशमा विश्वभर महामारी फैलिरहेको कोरोना भाईरसको संक्रमण नेपालमा नफैलियोस् भनेर चैत्र ११ गतेदेखि लकडाउन गरेको छ । यो लकडाउनको कारण दैनिक ज्यालादारी गरेर पेट भर्ने मजदुरहरु काम गर्नबाट पनि बञ्चित भएका छन् । काम गर्न नपाएपछि यस्ता दैनिक ज्यालादार िगर्ने मजदुरहरु लकडाउनको समयमा भोकभाकै बस्न वाध्य भएको अवस्थालाइृ मध्यजनर राख्दै धनकुटा नगरपालिका वडा नं. ५ वडासमितिले अतिआवश्यक खाद्यान्न वितरण गरेका छन् ।
यस वडाका पहिलो चरणमा दैनिक ज्यालादारी गरेर परिवार पाल्दै आएका ९८ विपन्न परिवारलाई राहत स्वरुप खाद्यान्न वितरण गरिएकोे वडाध्यक्ष धनकुमार राईले जानकारी दिए । अहिले प्रत्येक परिवारलाई १० किलो चामल, एक किलो दाल, एक किलो नुन, तेल, हात धुने सावुनलगायतक जीवन निर्वह सामग्री वितरण गरेको छन् । वडाध्यक्ष राईका अनुसार वडाका थप विपन्न परिवारको खोजी गरी राहत वितरण गर्ने जनाएको छ ।
राहत वितरण कार्यक्रममा वडा सदस्यहरु सीता प्रधान, गोविन्द राई, अम्विका परियार सहभागी थिए । यस्तै कार्यक्रममा नेपाली कांग्रेसकातर्फबाट नगर प्रमुखका उम्मेद्वार तथा कोषाध्यक्ष दिनेश राई, समाजसेवी प्रकाश थुलुङ राई, बालमन्दिर टोलबस्ती संगठनका अध्यक्ष सुजनभाई जोशी, स्थानीय रवीन्द्र नेपालीलगायतले राहत सामग्री वितरण गरेका थिए ।
विपन्न मजदुरलाई वडाले वितरण गरेको राहत सामग्री मध्ये २० प्रतिसत रकम निर्माण व्यवसायी प्रकाश थुलुङले व्यहोर्ने प्रतिवद्धता जनाए । उनले यस्तो अवस्थामा कोहि पनि भोकै नपरुन् भनेर सहयोग गर्न लागेको बताए । उनले यस्तो अवस्थामा हुनेखानेले नहुनेलाई राहत स्वरुप सहयोग गर्दा धर्म नै हुने बताए ।
सो अवसरमा कोषायक्ष दिनेश राईले आपतको समयमा वडासमितिले खाद्यान्न वितरण गरेर गरिव निमुखालाई आपत पर्दा जनप्रतिनिधिहरुले साथ दिन्छ भन्ने विश्वास दिाएको भन्दै वडासमितिको प्रशंसा गरे । राईले ती परिवारलाई विश्वमै महामारीको रुप लिदै गरेको कोरोना भाईरसका वारेमा जानकारी दिदै यसबाट बच्न घर बाहिर ननिस्कन र साबुनपानीले राम्ररी हात धुन आग्रहसमेत गरे । सो अवसरमा राहत पाउने विपन्न मजदुरहरुले वडासमिति तथा ठूला हृदय सहयोगी मन भएकाहरुको कारण आफुहरु भोकै मर्न नपर्ने भएको भन्दै खुसी व्यक्त गरेका थिए ।