धनकुटा १८ चैत्र । धनकुटा उद्योग बाणिज्य संघले व्यापारिक केन्द्र हिलेबजारमा आज बजार अनुगमन गरेका छन् । सो अवसरमा संघले मास्क, सेनिटाईजर, पञ्जासमेत वितरण गरेका छन् ।
जिल्लामा नोवेल कोरोना भाईरस (कोभिड १९) को संक्रमण फैलिन नदिन सरकारले गरेको लकडाउनको कारण बजारमा ग्यासलगायत दैनिक उपभोग्य सामानको अभाव भएको गुनासो आएपछि संघ आफैले बजार अनुगमन गरेको संघका अध्यक्ष विजयसन्तोषी राईले जानकारी दिए । सो क्रममा संघका अध्यक्ष राईले व्यपारीहरुलाई उपभोक्ताहरुलाई मार पार्ने कार्य नगर्न सचेत गराएका थिए ।
अनुगमनमा संघका अध्यक्ष राई, महासचिव रामबहादुर गोङ्वा, सचिव श्रीराम रायालगायत संघको टोली सहभागी थिए । सोहि क्रममा टोलीले फ्रन्टलाईनमा बसेर कार्य गर्नुपर्ने हिले प्रहरी चौकीका सुरक्षाकर्मीहरुलाई मास्क र सेनिटाईजर वितरण गरेका थिए । यसैगरी महासचिव रामबहादुर गोङ्वा, कार्यसमिति सदस्य रामबहादुर घिसिङ्गले नेपाल विद्युत प्राधिकरण हिले र धनकुटा शाखाको कर्चमारीहरुलाई सेनिटाईजर, माक्स, पञ्जा वितरण गरेका छन् ।
अहिले धनकुटा र हिले बजारमा ग्यासलगायत दैनिक उपभोग्य सामग्रीहरु र तरकारीहरु पर्याप्त रहेको संघका सचिव श्रीराम रायाले जानकारी दिए ।
