धनकुटा १९ चैत्र । विश्वमै महामारीका रुपमा फैलिरहेको कोरोना भाईरस ग्राहक र व्यापारीलाई लाग्न नदिन पसल अगाडि दुरी निर्धारण गरी चिन्ह बनाइयो । सो चिन्ह धनकुटा उद्योग वाणिज्य संघले आज धनकुटाका पसल पसलमा गएर लगाईदिएका हुन ।
यस्ता चिन्हमा उभिएर ग्राहकहरुले सामान किन्ने गरी सचेत गरिएको संघका अध्यक्ष विजयसन्तोषी राईले बताए । यस्ता चिन्हले यदि व्यवसायी वा ग्राहक कसैलाई भाईरसको संक्रमण छभने पनि एकअर्कालाई सर्नबाट जोगाउने अध्यक्ष राईले बताए ।
यस्ता चिन्ह व्यापारी र ग्राहकका वीच कम्तिमा एक मिटरको दुरी कायम गरी लगाईएको संघका कार्यकारी सदस्य रेजिना पालिखेल बताईन । कोरोना भाईरसविरुद्ध जनचेतना अभिवृद्धी गर्दै व्यापारी र उपभोक्ता वीच सामान किन्दा र बेच्दा सजगता अपनाउन समेत अनुरोध गरिएको पालिखेले जानकारी दिईन । बजारका अतिआवश्यकीय दूध, तरकारी, औषधि तथा खाद्यान्नका पसलहरु अगाडी चिन्ह लर्गाएको थियो ।
सो अभियानमा संघका अध्यक्ष विजयसन्तोषी राई, वरिष्ठ उपाध्यक्ष मनकुमारी तितुङ (तारा), सचिव श्रीराम रायमाझी, कोषाध्यक्ष रुपेश श्रेष्ठ, कार्यकारी सदस्यहरु रेजिना पलिखे, लिजा श्रेष्ठ, सुनिता थापा, संघका पूर्व कार्यालय प्रमुख जयन्द्र प्रधानलगायत सहभागी थिए । सोहि क्रममा संघले व्यापारी तथा व्यवसायीहरुलाई भाईरसको संक्रमण रोक्न मास्क र सेनिटाईजरसमेत वितरण गरेका थिए ।
सो सेनिटाईजर प्रत्येक ग्राहहरुले सामान किन्न आउँदा हात धुन लगाउन पनि सचेत गरिएको संघका सदस्य लिजा श्रेष्ठले वताईन । श्रेष्ठकाअनुसार व्यापारीहरुलाई पसलका सामान बेच्दा पञ्जा लगाएर बेच्न र पैसा गन्दा थुक लगाएर गन्ने कार्य नर्गन समेत गरिएको बताईन ।
यसैगरी सरकारले घोषणा गरेको लकडाउनको समयमा आमउपभोक्ताहरुलाई सहज रुपमा दैनिक उपभोग्य सामग्रीहरु ढुवानी गरी विक्री वितरणका लागी संघले सहजीकरण गरिरहेका छन् । साथै संघले बजारमा दैनिक उपभोग्य वस्तु अभाव हुन नदिन धनकुटा बजार अनुगमन समेत गरेका वरिष्ठ उपाध्यक्ष मनकुमारी तितुङले जानकारी दिईन ।