धनकुटा २५ चैत्र । सूर्यबहादुर थापा फाउण्डेशनले लाखौं मूल्यबराबरको सुरक्षासँग सम्बन्धित सामग्री हस्तान्तरण गरेका छन् । धनकुटामा विश्वव्यापी महामारीको रुपमा फैलिरहेको नोवेल कोरोना भाईरस (कोभिड १९) फैलिन नदिन फ्रन्टलाईनमा बसेर काम गर्ने स्वास्थ्यकर्मी तथा एम्बुलेन्सका चालकहरुका लागि सुरक्षित पोशाक पीपीई किट, पञ्जा, स्यानिटाईजरलगायतका सामग्री हस्तान्तरण गरेका छन् ।
सो सामग्री औद्योगिक ग्राममा स्थापना गरिएको आईसोलेशन तथा क्वारेन्टाईन केन्द्र, जिल्ला अस्पताल र जिल्लाको सातै स्थानीय तहका प्राथमिक स्वास्थ्य केन्द्र तथा स्वास्थ्य चौकीका लागि उपलब्ध गराईएको फाउण्डेशनका अध्यक्ष तथा पूर्वमन्त्री सुनिलबहादुर थापाले जानकारी दिए । ती सामग्री आजै एयर डाइनेष्टीको हेलिकप्टर चार्टर गरेर पठाएका थिए । पठाईएको सामग्रीहरु पूर्वमन्त्री थापा आफैले लोड गरेको तस्वीर सार्वजनिक भएको छ ।
हस्तान्तरण गरिएको सामग्रीहरुमा स्वास्थ्यकर्मीका लागि पीपीइ किट–७४ सेट, एम्बुलेन्स चालक तथा सहयोगी किट २२ सेट, पञ्जा २२ बाकस, स्यानिटाइजर ३० बोतल, डेटोल हेण्डवास ७२ बोतल, डेटोल साबुन ७२ थान, मास्क २ हजार थानलगायतका सामग्रीहरु पठाईएको अध्यक्ष थापाले जानकारी दिए । जसअनुसार जिल्ला अस्पताल र औद्योगिक ग्राममा स्थापना गरिएको आईसोलेशन तथा क्वारेन्टाईन केन्द्रका लागि समान १२÷१२ थान पीपीई किट, एम्बुलेन्स चालकका लागि पोशाक ४÷४ थान र पञ्जा १ बाकस अर्थात ५०÷५० थान रहेको छ ।
यस्तै डाँडाबजार प्राथमिक स्वास्थ्य केन्द्र, जितपुर स्वास्थ्य केन्द्र र आहाले स्वास्थ्य चौकीका लागि समान पीपीई किट ४÷४ थान, एम्बुलेन्स चालकका लागि पोशाक १÷१ थान, पञ्जा १ बाकस अर्थात ५०÷५० थान र स्यानिटाईजर १ ÷ १ बोतल रहेको छ ।
यस्तै मारेककटहरे स्वास्थ्य चौकी, बुढिमोरङ स्वास्थ्य चौकी, चानुवा स्वास्थ्य चौकी र आँखिसल्ला स्वास्थ्य चौकीका लागि समान पीपीई किट ३÷३ थान, पञ्जा १ बाकस अर्थात ५०÷५० थान र स्यानिटाईजर १ ÷ १ बोतल रहेको छ । यस्तै पाख्रीवास स्वास्थ्य चौकीका लागि पीपीई किट २ थान, पञ्जा ५० थान र स्यानिटाईजर १ बोटल रहेका छन् ।
यस्तै हात्तिखर्क स्वास्थ्य चौकी तथा प्रसुति गृहका लागि पीपीई किट ४ थान, एम्बुलेन्स चालह किट १ थान, स्यानिटाईजर १ बोतल र पञ्जा ५० थान रहेको थापाले जानकारी दिए ।
यस्तै प्रतिष्ठानले धनकुटा उद्योग वाणिज्य संघमार्फत वितरण गर्ने गरी निम्न सामग्रीहरु उपलब्ध भएको संघका अध्यक्ष विजयसन्तोषी राईले जानकारी दिए । ती सामग्रीहरुमा स्वास्थ्यकर्मी किट (सेतो रंगको) २० थान, एम्बुलेन्स चालकका लागि किट (निलोरंगको) १० थान, निलो मास्क १ हजार ५ सय थान, पञ्जा ४ बाकस अर्थात २ सय थान, स्यानिटाईजर १५ बोतल, डेटोल ह्याण्डवास ४८ बोतल र अन्य मास्क २ हजार थान रहेको राईले जानकारी दिए ।
काठमाडौं विमानस्थलबाट सो सामग्री लिएर आएको हेलिकप्टर सल्लेरी ब्यारेकमा अवतरण गरी ती सामग्रीहरु जिल्ला विपत व्यवस्थापन समितिलाई हस्तान्तरण गरिएको थियो ।
यस्तै प्रतिष्ठानले फ्रन्टलाईनमा काम गर्नुपर्ने भन्दै नेपाली सेनाको सल्लेरी ब्यारेकका लागि २ बोरा (१२५ केजी) पीपीइ किट पठाईएको अध्यक्ष थापाले जानकारी दिए । सो सामग्री आफ्नो गृहजिल्लामा पठाउन पाउँदा खुसी लागेको विज्ञप्ती प्रकाशन गरी अध्यक्ष थापाले जनाएको छ । । यस पुनित कार्यको लागि सहयोग गरेको भनदै अध्यक्ष थापाले जिल्ला प्रशासन कार्यालय, नेपाली सेना, नेपाल प्रहरी, सशस्त्र प्रहरी बल, धनकुटा उद्योग वाणिज्य संघलगायत संस्थाहरुलाई सूर्यबहादुर थापा प्रतिष्ठानको तर्फबाट आभार व्यक्त गर्दै हार्दिक धन्यवाद दिएका छन् ।
सो सामग्री हस्तान्तरण कार्यक्रममा स्थानीय प्रशासनले स्थानीय सञ्चारकर्मीहरुलाई प्रवेश निषेध गरेका थिए । के कस्तो कारणले प्रवेश गर्न नदिएको हो य वारेमा प्रमुख जिल्ला अधिकारीसँग सम्पर्क गर्दा सम्पर्क भएन । प्रहरीले माथिको आदेश भन्दै प्रवेश गर्न नदिएपछि पत्रकार महासंघ धनकुटा शाखाले प्रस विज्ञप्ती जारी गर्दै विरोध जनाएको छ ।
