केहि दिन अघि धनुषा जिल्ला औरही गाउँपालिका वडा नं. ३ मा एउटा सामान्य घटनामा राजकुमार यादवलाई मरणासन्न हुने गरी आक्रमण गरिएको छ । निज यादवको ट्याक्टरले सोहि पालिकाका इन्दल यादवको वारीमा लगाईएको लौकाको लहरो ठड्याउन गाडेको ली भत्काई दिएका थिए । सो विषयमा उपेन्द्र यादव र निजको पत्नि आई डूाईभरलाई गाली गलौज गरे । सोहि समयमा राजकिशोरका छोरा कमलेश यादव आएर सम्झाउन खोज्दा ईन्दल यादव समेत आई ट्याक्टरको चाबी खोसी कमलेश यादवलाई गाली गलौज गर्दै हातपात समेत गरेका थिए ।
सोही बिषयमा विवाद बढेपछि उपेन्द्र यादवकै नाता गोताका फगु यादव, राजकुमारको छोराहरु देवकिशोर यादव, श्याम किशोर यादवसमेतका बीचमा छलफल भयो । यसैवीच फगु यादवले यो बिषयमा गाउँको पंचायतीमा बसि छलफल गरी टुंग्याउनु पर्छ भनेपछि मिति २०७६ चैत्र २४ गते विहान ८.०० बजे गाउँकै मन्दिरमा पंचायती छलफल गर्ने सहमती भयो । सो दिन विहान ७ बजेतिर फगु यादव डाक्न आए । उनले त्यहाँ सबै जना जुटिसकेकोले जाउँ भनि देव किशोर र श्याम किशोरलाई लिई गए । तर उनले पंचायती हुने भनिएको स्थान मन्दिरमा नलगि उपेन्द्र यादवको घर तिर लान थाले । देवकिशोरले मन्दिरमा जाने भनेको होईन, यता किन भनी प्रश्न गर्दा मन्दिरमा हैन, उपेन्द्र यादवको घरमा छलफल गर्ने भनी फगु यादवले जोड दिए । देवकिशोरले त्यहाँ जाँदैनौ भनी जिद्दी गरेपछि उपेन्द्र यादवको घर नजिकै रहेको निजको नातेदार शुभ नारायण यादवको घर गए ।
त्यहाँ बसी छलफल हुँदै गर्दा ९ः०० बजेतिर विपक्षीहरु उपेन्द यादव र फगु यादवले अचानक देवकुमारलाई शारिरीक रुपमा आक्रमण गर्न थाले । देवकिशोरले हात नहाल्न सम्झाउन खोज्दा फगु यादवले “यो मान्छे धेरै जान्ने भएको छ, आज यसको यहीं ज्यान लिनुपर्छ, ठोक जो परेको म व्यहोर्छु“ भनेपछि उपेन्द्र यादवले लुकाई राखेको दाउराको चिरपट र लाठी फराठीले देवकिशोर यादवको टाउकोमा ताकी प्रहार गरे । सो प्रहारबाट देवकिशोरको टाउको फुटेर भलभली रगत बग्न थाल्यो । त्यति हुदाँ पनि उनीहरुले देवकिशोरको शरीरमा जतापायो त्यतै हिर्काउन थाले । देवकिशोरलाई बचाउन श्यामकिशोर यादव जादाँ उनलाई पनि टाउकोमा प्रहार गरेका थिए ।
यसरी आक्रमण गर्न थालेपछि उनीहरुलाई बचाउन खोज्ने कमलेश यादव र सुरज यादवलाईसमेत ली र चिरपटले प्रहार गरेका थिए । प्रहारबाट सुरज यादवको टाउकोमा लागी टाउको फुटेका थिएभने कमलेश यादवको शरीरका विभिन्न भागमा चोट पटक लागेका थिए । उनीहरुले हारगुहार सुनेर छिमेकीहरु आएपछि आक्रमणकारी फरार भए ।
गम्भीर घाईते भएका श्यामकिशोर र देवकुमार यादवलाई तत्काल एम्बुलेन्समा राखी उपचारको लागी जनकपुर प्रादेशिक अस्पतालमा ल्याई ईमर्जेन्सीमा उपचार गराएका थिए । तर, जनकपुरमा उपचार सम्भव नभएपछि दुवैलाई थप उपचारका लागि उपेन्द्र देवकोटा मेमेरियल न्युरो अस्पताल बाँसवारी काठमाडौं लगियो । हालमा काठमाडौंमा उपचार भैरहेको छ । अन्य घाईतेहरुको जनकपुरमै उपचार भई हाल आराम गरिरहेका छन् ।
सो आक्रमण गर्ने आक्रमणकारीहरु इन्दल यादव, फगु यादव, उपेन्द्र यादव, राजीव यादव, दुर्गेश यादवकाविरुद्ध स्थानीय प्रहरी कार्यालयमा जाहेरी दिएको निजको देवकिशोरका नातिले दिएको जनाएको छ । सो जाहेरीमा आक्रमणकारीलाई कानूनी कार्वाहीका साथै घाईते पीडितहरुको उपचारमा लागेको खर्च समेत भराई पाउ भन्ने उल्लेख गरिएको छ ।