धनकुटा ७ बैशाख । नोवेल कोरोना भाईरसको संक्रमण फैलिन नदिन सरकारले घोषणा गरेको लडडाउनको समयमा कृषक र व्यापारीहरुलाई भैरहेको समस्याहरुका विषयमा धनकुटा उद्योग वाणिज्य संघले चासो दिएको छ । यसैक्रममा संघले छथरजोरपाटी गाउँपालिकाका अध्यक्ष तथा उपाध्यक्षसँग आज छलफल गरेको छ ।
तरकारीको राजधानीको उपनामले समेत परिचित यस गाउँपालिका क्षेत्रमा उत्पादिन ताजा हरियो तरकारीहरु अहिले लकडाउनको कारण सहज रुपमा बिक्रीवितरण हुन सकेका छैनन् । यसले गर्दा अहिले यस क्षेत्रका कृषकहरुलाई दैनिक ठूलो नोक्सानी भैरहेकोले वाणिज्य संघले गाउँपालिकाका अध्यक्ष शेरबहादर लिम्बु र उपाध्यक्ष भिमकला श्रेष्ठसँके कसरी कृषक तथा व्यापारीहरुको समस्या समाधान गर्न सकिन्छ भन्ने वारेमा छलफल गरेको हो । यो लकडाउनले यस क्षेत्रका डेरी उद्योगहरुको वारेमा र व्यापारीहरुको समस्याको वारेमासमेत छलफल भएको थियो ।
सो छलफलमा संघकातर्फबाट संघका अध्यक्ष विजयसन्तोषी राई, महासचिव रामबहादुर तामाङ्ग, कोषाध्यक्ष रुपेश श्रेष्ठ सहभागी भएका थिए । सो अवसरका संघका प्रतिनिधिहरुले कृषकहरुले उत्पादन गरेका ताजा तरकारी पहिलेको जस्तो तराईका बजार तथा जिल्लाका बजारहरुमा विक्रीवितरण गर्ने वातावरण बनाउन गाउँपालिकाका अध्यक्ष तथा उपाध्यक्षसँग आग्रह गरेका थिए ।
सो अवसरमा पालिकाका अध्यक्ष शेरबहादुर लिम्बुले पालिकामा उत्पादिन ताजा तरकारीहरु अन्यत्र सहज रुपमा विक्रीवितरणका लागी पहल गरिरहेको जानकारी दिए । उनले जिल्लाका मुख्य वजार तथा तराईका वजारसम्म लैजाने व्यवस्थाा लागि प्रशासनसँग छलफल भईरहेको जानकारी दिए । उनले लकडाउन लामो समयसम्म हुनसक्ने बताउँदै कृषकहरुलाई हाल बैकल्पिक उपायहरु अपनाउँदै अन्य मकैलगायतका खाद्यान्न बाली लगाउनका लागी पनि आग्रह गरिएको जानकारी दिए ।