धनकुटा १७ बैसाख । अब दैनिक अत्यावश्यक वस्तु तथा सामग्री ढुवानीलाई पास नचाहिने भएको छ । सो सम्बन्धि जानकारी धनकुटा उद्योग बाणिज्य संघले जनाएको छ । संघले प्रमुख जिल्ला अधिकारी केशवप्रसाद विमलीसँग आज भेटघाट तथा छलफल गरी जिल्लामा दैनिक उपभोग्य तथा अत्यावाश्यक वस्तु ढुवानीलाई अझ सहज र प्रभावकारी बनाउने सहमति भएनुसार पास नचाहिने व्यवस्था गरिएको संघले जनाएको छ ।
सो सम्बन्धि सहमति आज जिल्ला प्रशासन कार्यालयमा प्रजिअ र उद्योग वाणिज्य संघका पदाधिकारीहरुवीच भएको छलफलबाट भएको हो । यस्ता वस्तु आपुर्ति तथा विक्रीवितरणमा सहज र व्यवस्थित बनाउने उद्देश्यले प्रजिअ विमलीसँग वाणिज्य संघका अध्यक्ष विजयसन्तोषी राई, महासचिव रामबहादुर गोङ्वालगायत पदाधिकारीहरुले छलफल गरेका थिए । तर, यस्ता सामग्री लिनका लागि रातीमात्र सञ्चालन गर्ने सहमति भएको छ ।
जिल्लामा दैनिक उपभोग्य तथा अत्यावश्यक वस्तुको सहज आपुर्तिका लागि वाणिज्य संघले व्यवस्था मिलाईरहेका छन् । अहिले संघले सञ्चालन गरेको व्वस्थाका वारेमा प्रजिअ विमली, प्रवक्ता तथा सूचना अधिकारी जयराम श्रेष्ठ तथा सुरक्षा निकायलाई वाणिज्य संघले जानकारी गराएका थिए ।
यसैगरी राष्ट्रिय गौरवका आयोजनाहरु र ठूला ठूला आयोजनाहरु विकास निर्माणका आयोजनाहरु संचालन गर्न निर्माण सामग्रीहरु ढुवानी गर्न स्थानीय प्रशासनको अनुमती पत्र लिएर राती मात्र ढुवानी गर्ने व्यवस्था गरिएको वाणिज्य संघका कोषाध्यक्ष रुपेश श्रेष्ठले जानकारी दिए । उनले जिल्लामा दैनिक उपभोग्य वस्तुहरु स्थानीय प्रशासनको समन्वयमा सहज रुपमा उपभोक्तामाँझ पु¥याईरहेको जानकारी दिए । संघको पहलको कारण जिल्लामा यस्ता वस्तुहरुको अभाव हुन पाएको छैन ।
