धनकुटा २० बैसाख । नोवेल कोरोना भाईरसविरुद्ध जनचेतना जगाउँदै अन्तर्राष्ट्रिय श्रमिक दिवसको अवसरमा मजदुरहरुलाई स्वास्थ्य तथा सुरक्षित सामग्रीहरु वितरण गरेको छ । सो सामग्री धनकुटा उद्योग बाणिज्य संघले वितरण गरेका हुन् ।
वाणिज्य संघले दिवसको अवसरमा मजदुरहरुमा कोरोना भाईरसविरुद्ध सचेतना अभिवृद्धी गर्दै निगाले सिमेन्ट सिधुवा र गुरासे टी स्टेट हिलेका मजदुरहरुलाई स्वास्थ्य तथा सुरक्षित सामग्रीहरु वितरण गरेको हो । वितरण कार्यक्रममा वाणिज्य संघका अध्यक्ष विजयसन्तोषी राई, वरिष्ठ उपाध्यक्ष मनकुमारी तितुङ्ग, उपाध्यक्ष तथा धनकुटा वितरक संघका अध्यक्ष कृष्णराज श्रेष्ठ, महासचिव रामबहादुर गोङ्वा, कोषाध्यक्ष रुपेश श्रेष्ठ, सदस्य डिजेस शाक्य, राम बहादुर तामाङ्ग, नवीन श्रेष्ठ, महेन्द्र थापा, वितरक संघका कोषाध्यक्ष विक्रम प्रधान, सदस्यहरु विपीन थापा, उत्सव कटेल, कमल खतिवडालगायतको उपस्थिति रहेो थियो । सो अवसरमा वाणिज्य संघले मजदुरहरुलाई मास्क, हेण्डवास, पञ्जा र सेनिटाईजर प्रदान गरेका थिए ।
सो अवसरमा वाणिज्य संघ र वितरक संघका टोलीले निगाले सिमेन्टको अवलोकन गरी उद्योगको समस्याहरु र अहिलेको अवस्थाको वारेमा जानकारी समेत लिएका थिए । सो अवसरमा उद्योगका प्रवन्धक सरोज सेढाईले उद्योगमा अहिलेको समस्या लगायत उत्पादनको अवस्थाको वारेमा जानकारी दिएका थिए । अध्यक्ष विजय सन्तोषी राईले सो अवसरमा सुरक्षित र नेपाल सरकारले तयार गरेको सुरक्षाको मापदण्ड अनुरुप उद्योग संचालन गर्न अनुरोध गर्दै उद्योग संचालनमा कुनै किसिमका समस्याहरु भए समन्वय गरी सहयोग गर्ने आश्वासन दिएका थिए ।
