धनकुटा । धनकुटा उद्योग वाणिज्य संघले जितपुर बजारको अनुगमन गरेका छन् । सो अवसरमा संघले महालक्ष्मी नगरपलिकाका प्रमुख पर्शुराम नेपालसँग भेटघाट गरी विश्वमै महामारीको रुप लिएको कोरोना भाईरसविरुद्धको अभियानका वारे छलफल गरेका छन् । सो अवसरमा संघले नगरपालिकाले कोरोना भाईरसविरुद्ध सञ्चालन गरिरहेको अभियानका वारेमा जानकारी लिएका थिए । सो अवसरमा संघले नगरपालिकालाई सुरक्षित तथा स्वास्थ्य सामग्रीहरु वितरणसमेत गरेका थिए ।
छलफलको क्रममा संघलाई नगरपालिकाका प्रमुख पर्शुराम नेपालले हाल नगरपालिकामा दैनिक उपभोग्य तथा अत्यावाश्यक सामग्रीहरु पर्याप्त रहेकोले कुनै समस्या नभएको जानकारी दिए । उनले नगरपालिकामा अत्यावश्यक वस्तु आयात निर्यातमा नगरपालिकाले सहजिकरण गरिरहेको जानकार िदिए । उनले व्यवसायीहरुलाई कुनैपनि प्रकारको समस्या भए नगरपालिका समाधान गर्न तयार रहेको आश्वासन दिए ।
सो अवसरमा संघका अध्यक्ष विजयसन्तोषी राईले जिल्लाका सातै स्थानीय तहहरुमा दैनिक उपभोग्य तथा अत्यावश्यक वस्तुको अभाव हुन नदिन र मूल्यबृद्धि निन्त्रण गरिने जानकारी दिए । उनले यस्ता वस्तु आयात गर्न तथा तरकारीजन्य वस्तु निर्यातका लागि संघले सहजिकरण गरिरहेको जानकारी दिए । सो अवसरमा संघका सदस्य तथा जितपुरका व्यवसायी हरी सुवेदी, भूपाल (भूमीराज) पौडेललगायतको सहभागीता रहेको थियो ।
उक्त टोलीले बजार अनुगमन गर्दै पसलमा मुल्य सूची अनिवार्य राख्न,माश्क अनिवार्य लगाउन र हात सेनिटाईजर वा साुवन पानीले वाम्वरा धुन ,सामान विक्रि वितरण गर्दा सामाजिक दुरी कायम गर्न र म्याद सकिएका तथा अखाद्य वस्तुहरु विक्रि वितरण नर्गन,पैसा गन्दा थुकको साट्टो सेनिटाईजरको प्रयोग गर्न समेत व्यापारी तथा व्यावसायीहरुलाई अनुरोध गर्नु गरेको छ ।
सो अवसरमा धनकुटा उद्योग बाणिज्य संघको तर्फबाट अध्यक्ष राईले केही माश्क,सेनिटाईजर,पञ्जा र हेण्ड वास महालक्ष्मी नगरपालिका कार्यालयलाई मेयर पर्शुराम नेपाललाई प्रदान गर्नु भएको थियो ।
धनकुटा उद्योग वाणिज्य संघले महालक्ष्मी नगरपालिकाको जितपुरका व्यापारी तथा उपभोक्ताहरुलाई कोरोना भाईरसको संक्रमण हुनबाट बच्न सुरक्षित सामग्री वितरण गरेको छ । सोहि क्रममा संघले उपभोग्य वस्तुको अवस्थाका वारेमा बजार अनुगमनसमेत गरेका छन् ।
यस्तै संघका पदाधिकारीहरुले स्थानीय व्यापारीहरुसँग छलफल गरी दैनिक उपभोग्य वस्तुको निकासी पैठारी गर्दाको अवस्था, हालको मौज्दात तथा मूल्यलगायत व्यापारीहरुमा रहेको समस्याका वारे छलफल गरिएको थियो । सो अवसरमा संघले फ्रन्टलाईनमा बसेर व्यवसाय गर्नुपर्ने व्यवसायीहरुलाई सुरक्षित सामग्रीहरु मास्क, सेनिटाईजर, पञ्जा वितरण गरेका थिए । ति सामग्रीहरु वाणिज्य संघका अध्यक्ष विजय सन्तोषी राई, कार्यकारी सदस्यहरु नविन श्रेष्ठ, महेन्द्र थापा, नेपाल निर्माण व्यवसायी संघका जिल्ला उपाध्यक्ष प्रकाश राई, सञ्चारकर्मीहरुसहितको टोलीले वितरण गरेका थिए ।
संघले विशेषगरी अहिलेको महामारीको संक्रमणकालीन अवस्थामा फ्रन्टलाईनमा बसेर कार्य गरिरहेका व्यवसायी, सञ्चारकर्मी, स्वास्थ्यकर्मी, एम्वुलेन्सका चालकहरुलाई स्वास्थ्य सुरक्षाका सामग्रीहरु मास्क, सेनिटाईजर, पञ्जा, सावुनलगायत वितरण गर्दै आएको छ । साथै संघले नोवेल कोरोना भाईरसको संक्रमणबाट कसरी बच्ने भन्ने वारेमा जनचेतनामूलक कार्यक्रमहरु अभियानकै रुपमा सञ्चालन गर्दै आएको संघका अध्यक्ष विजयसन्तोषी राईले जानकारी दिए ।
