हरिबहादुर लम्जेल ।
धनकुटा बैशाख २४ । नोवेल कोरोना भाईरस (कोभिड–१९) को संक्रमण हुनबाट आमनागरिकहरुलाई बचाउन सरकारले घोषणा गरेको लकडाउनको कारण आम्दानी गुमाउन वाध्य भएको भन्दै एक महिनाको खानेपानीको महसुल छुटदिएको छ । सो छुट साँगुरीगढी गाउँपालिका वडा नं. ५ स्थित डाँडाबजार खानेपानी तथा सरसफाई उपभोक्ता समितिले दिएको हो ।
यस्तो महाविपत्तिको समयमा आमउपभोक्ताहरुले रोजगार गुमाएका छन् । यहि कारण महसुल तिर्न समस्या हुने देखिएकोले केही राहत होस् भनेर समितिको वैठकबाट निर्णय गरी गत चैत्र महिनाको न्यूनतम महसुल मिनाहा गरिएको समितिका सचिव पूर्ण खजुमले बताए ।
समितिले हरेक महिना उपभोक्ताबाट न्यूनतम महसुल बापत ३ सय २५ रुपैया उठाउँदै आइरहेको
छ । त्यस्तै संस्थागत कार्यालयबाट एकहजार एक सय महसुल उठाउने गर्छ । समितिका उपभोक्ताहरुमा संस्थागत कार्यालय ६ वटा रहेको सचिव खजुमले जानकारी दिए ।
समितिको मासिक शुल्क ८७ हजार आठ सय ५० रुपैया उपभोक्ताहरुबाट उठ्ने गर्छ । समितिले यहि रकम उपभोक्ताहरुलाई मिनाहा गरिएको सचिवले खजुमले बताए । समिति अन्र्तगत डाँडाबजार, निगाले, तुम्खा र लाप्चेटारलगायत क्षेत्रमा सर्वसाधारण उपभोक्ता, विद्यालय, स्वास्थ्य संस्था गरी २ सय ५० जना उपभोक्ताहरु छन् ।
सो खानेपानी योजना २०६३ सालदेखि संचालमा आएको हो । स्थानीय थोत्ने खोलाबाट ध्वजेडाँडासम्म लिप्टिङ प्रविधिमार्फत पानी ल्याएर ट्याङ्कीमा जम्मा गरी उपभोक्ताको घरघरमा वितरण गरिदै आइरहेको छ ।