धनकुटा । विश्वमै महामारीको रुपमा लिदै आएको नोवेल कोरोना भाईरस ( कोभिड –१९ ) को संक्रमण हुन नदिन सरकारले लगाएको लकडाउनको कारण कोहिपनि भोकै बस्न नपरोस् भनि गाउँपालिकाले खाद्यान्नलगायत राहत सामग्रीहरु वितरण गरेका छन् ।
पहिलो चरणको राहत सामग्रीहरुमा चामल, दाल, नून, तेल, सावुनलगायत दैनिक जीवनमा आवश्यक पर्ने वस्तु वितरण गरिने छ । अहिले गाउँपालिकाले १ हजार १ सय १६ जनालाई राहत वितरण गर्न तयारी गरिरहेको गाउँपालिकाका अध्यक्ष खजिन्द्र राईले जानकारी दिए । यसैक्रममा वडा नं. ७ मा एक सय चार जनालाई राहत वितरण गरिएको सो वडाका वडाध्यक्ष दुर्गाबहादुर सुवेदीले जानकारी दिए ।
यस्तै बाहिरबाट आउने मानिसहरुलाई अनिवार्य क्वारेन्टाईनमा राख्दै आएको छ । अहिले पालिकामा एक बच्चासहित २८ जनालाई क्वारेन्टाईनमा राखिएको उपाध्यक्ष यज्ञकुमारी रुचालले जानकारी दिईन । गाउँपालिकामा कोरोनाको संक्रमण फैलिन नदिन गाउँपालिकाले जनचेतनामूलक कार्यक्रमहरु ऋभियानकै रुपमा सञ्चालन गर्दै आएको छ । यस्तै हेल्प डेक्स स्थापना, ३८ बेड सहितको क्वारेन्टाईन स्थापना गरिएको प्रमुख प्रशासकीय अधिकृत शशी राईले जानकारी दिए ।