धनकुटा २७ बैशाख । । विश्वमा नोवेल कोरोना भाईरस फैलिएसँग धनकुटामा शनिबारसम्म २ सय १८ जनाको र्यापिड डायग्नोष्टिक परिक्षण (आरुडिटी टेस्ट) र ७ जनाको स्वाब परिक्षण गरिएको छ । सीमावर्ति जिल्लाहरु उदयपुर र भोजपुरमा कोरोना संक्रमित विरामी फेला परेपछि धनकुटामा पनि तीब्र रुपमा परिक्षण थालिएको हो ।
यसैक्रममा धनकुटा अस्पतालमा सडक मजदुहरुको आज नोवेल कोरोना भाईरस (कोभिड १९) को आरडीटी टेस्ट आज गरिएको छ । उनीहरुको परिक्षण स्वास्थ्य कार्यालयको सहयोग तथा धनकुटा उद्योग बाणिज्य संघको समन्वयमा गरिएको हो ।
विश्वव्यापी फैलिदै गएको नोवेल कोरोना भाईरस जिल्लामा फैलिन नदिन वाणिज्य संघको समन्वयमा धनकुटा– हिले राजमार्गमा कालोपत्र गर्ने काम गरिहेका १७ जना मजदुरहरुको आर डि टी परिक्षण गरिएको हो । ती सबै मजदुरहरुको नतिजा नेगेटिम देखिएको स्वास्थ्य कार्यालयका प्रमुख तुलसीप्रसाद गुरागाईले जानकारी दिए । आरडीटी रिपोर्ट पोजेटिभ आएका व्यक्तिहरुको वा कोरोना भाईरसको लक्षण शंका लागेकाको मात्र स्वाब परिक्षण गरिएको प्रमुख गुरागाईको जानकारी दिए ।
सरकारले कोरोना नियन्त्रणका लागि लकडाउन लगाएपनि राष्ट्रिय गौरवका आयोजनाहरु, केन्द्रिय, प्रदेश र स्थानीय स्तरीयका विकास निर्माणका योजनाहरु संचालन गर्ने निर्णय भएपछि काम गर्न आएका मजदुरहरुको परिक्षण गरिएको हो । यसरी परिक्षण गरेर नेगेटिभ देखिएमात्र काममा लगाउने पुजा कन्स्ट्रक्सनका प्रमुख निर्देशक गजेन्द्र पौडेलले बताए । यसरी निर्माणका लागि बाहिरबाट आएका मजदुरहरुको समेत स्वास्थ्य परिक्षण गरेर मात्र काम लगाउन वाणिज्य संघका अध्यक्ष विजयसन्तोषी राईले आग्रह गरेका छन् ।
सो अवसरमा अस्पतालका प्रमुख पुजन विश्वकर्मा, वाणिज्य संघका अध्यक्ष विजय सन्तोषी राई, वरिष्ठ उपाध्यक्ष मनकुमारी तितुङ, कार्यकारी सदस्यहरु रेजिना पलिखे, लिजा श्रेष्ठ, शोभा श्रेष्ठ, कमला गुरागाई, कार्यालय प्रमुख सिचन प्रधान, पत्रकार महासंघका उपाध्यक्ष नगेन्द्र राई, सचिव विदुर खवास, सहसचिव हरीबहादुर लम्जेललगायत संचारकर्मीहरुको सहभागीता रहेको थियो ।
विकास निर्माण संचालन गर्दा मजदुरहरुलाई अनिवार्य रुपमा सेनिटाईजरले हात धुन लगाउने, मास्क र पञ्जा लगाई सामाजिक दुरी कायम गरेर काममा लगाउन वाणिज्य संघले आग्रह गरेको छ ।
कोरोना भाईरस नियन्त्रण गर्न महत्वपूर्ण सहयोग गरी वाहिरबाट आएका मजदुरहरुको आर डि टी परिक्षण गर्नका लागी समेत महत्वपूर्ण सहयो गनुृ भएको धनकुटा उद्योग बाणिज्य संघका अध्यक्ष विजय सन्तोषी राईले स्वास्थ्य कार्यालय धनकुटाका प्रमुख तुलसी प्रसाद गुरागाई र कार्यालयलाई धन्यवाद दिनु भएको थियो ।
