धनकुटा ८ जेष्ठ.। धनकुटामा पनि कोरोना भाईरस फैलिएसँगैै अस्पताल र आसपास क्षेत्र सिल गरिएको छ । यसको कारण दैनिक उपभोग्य सामग्रीहरु अस्पतालमा अभाव भएपछि धनकुटा उद्योग वाणिज्य संघ र अस्पताल विकास समितिका पूर्व अध्यक्ष सुनिल डंगोलले दैनिक उपभोग्य सामग्री उपलब्ध गरएका थिए ।
धनकुटामा कोरोना संक्रमित बढेसँगै अस्पताल क्षेत्र सिल गरेपछि बजारमा नै दैनिक उपभोग्य वस्तुहरुको ठूलो अभाव भएका थिए । पहिले बजारमा गाडीबाट डुलाएर बेचने गरिरहेको भएपनि त्रासले विक्रेताहरु प्नि आउन छाडेका थिए । यस्तो अवस्थामा वाणिज्य संघ र अस्पताल विकास समितिका पूर्व अध्यक्ष सुनिल डंगोलले द्रैनिक उपभोग्य वस्तु तथा सामग्रीहरु अपस्ताललाई प्रदान गरेको अस्पताल परिवारले धन्यवाद दिएका थिए ।
सिलका कारण अस्पतालका वरिपरीका सम्पूर्ण पसलहरु बन्द भएकाले अस्पतालमा भर्ना भएका विरामी र उनका कुरुवाहरुलाई ठूलो समस्या भईरहेको थियो । यस्तो जानकारी पाएपछि तत्काल नै आवश्यक उपभोग्य सामग्रीहरु उपलब्ध गराईएको अस्पताल विकास समितिका पूर्व अध्यक्ष सुनिल डंगोलले जानकारी दिए ।
अस्पताललाई चामल, तेल, नुन, दाल, चना, विस्कुट, आलु, अदुवा, बेसार, कागती, तरकारीलगायतका दैनिक उपभोग्य सामग्रीहरु उपलब्ध गराएको थियो । यसका साथै प्लेटहरु पनि उपलब्ध गराईएको अस्पताल विकास समितिका पूर्व अध्यक्ष सुनिल डंगोललेले जानकारी दिए । उनकाअुसार अस्पतालमा कुनै पनि प्रकारका समस्या परेमा आफु जस्तोसुकै थप सहयोग गर्न तयार रहेको जानकारी दिए ।
संकटमा नै हो सहयोग चाहिने भन्दै यस्तो समयमा सवैले एक अर्कालाई सहयोग गर्नु पर्ने वाणिज्य संघका अध्यक्ष विजयसन्तोषी राईले बताए । अहिले वाणिज्य संघले उनले कोरोना भाईरस विरुद्धको अभियान संचालन गरिरहेको वरिष्ठ उपाध्यक्ष मनकुमारी तितुङ्गले वताईन ।