धनकुटा जेष्ठ १३ । नेपाल प्रेस संगठनद्वारा नेपाल पत्रकार महासंघ धनकुटा शाखालाई सुरक्षित सामग्री हस्तान्तरण गरेको छ । सो सामग्री पत्रकार तथा साहित्यकार स्व.कृष्णसेन इच्छुकको १८ औं स्मृति दिवसको अवसरमा संगठनले हस्तान्तरण गरेको हो ।
स्मृति दिवसको अवसरमा संगठन धनकुटाका अध्यक्ष सन्तोष रुचालले महासंघ शाखाका उपाध्यक्ष नगेन्द्र राईलाई सो सामग्री हस्तान्तरण गरेको हो । सो अवसरमा संगठनका अध्यक्ष रुचालले स्व. इच्छुकले नेपालमा पत्रकारिता क्षेत्रमा दिएको योगदानका वारेमा चर्चा गरेका थिए । उनले फ्रन्टलाईनमा कार्यरत हुनुपर्ने सञ्चारकर्मीहरु कोरोनाको उच्च जोखिममा रहने भएकाले यी सुरक्षित सामग्री हस्तान्तरण गरेको जानकारी दिए ।
सो सामग्री बुझ्दै महासंघका उपाध्यक्ष राईले स्व. इच्छुकप्रति श्रद्धाञ्जली अर्पण गर्दै संगठनलाई धन्यवाद दिएका थिए ।