धनकुटा । नेपाल पत्रकार महासंघ धनकुटालाई संघीय सांसद राजेन्द्रकुमार राईले ५० हजार आर्थिक सहयोग गरेका छन् । उनले फ्रन्टलाईनमा बसेर काम गर्ने पत्रकारहरुलाई अहिलेको संकटको घडिमा केहि राहत पुगोस् भनेर सहयोग गरेको बताएका छन् । सो रकम सांसद राईले पत्रकार महासंघले स्थापना गरेको कल्याणकारी कोषमा जम्मा हुने गरी हस्तान्तरण गरेका हुन् ।
सो रकम कोरोना भाईरस (कोभिड–१९) को कारण सरकारले लगाएको लकडाउनल समस्यामा परेका सञ्चारकर्मीहरुलाई राहत उपलब्ध गराउने महासंघले जनाएको छ । सांसद राईले फ्रन्टलाईनमा कार्यरत पत्रकारलाई राहत पु¥याउने उद्देश्यले आफु पाउने १ महिनाको पारिश्रमिक सहयोग गरेको बताए । उनले सो कुरा रकम हस्तान्तरण कार्यक्रममा जानकारी दिए । सांसद राईले सो रकम नेपाल पत्रकार महासंघका कार्यबाहक अध्यक्ष नगेन्द्र राईलाई हस्तान्तरण गरेका छन् ।
सो अवसरमा महासंघ कार्यबाहक अध्यक्ष राईले सांसद राईले महासंघले स्थापना गरेको कल्याणकारी कोषमा रकम सहयोग गरेकोमा धन्यवाद दिदै सो रकमले पत्रकारलाई संकटको बेला ठूलो राहत पुग्ने वताए । उनले सांसद आगामी दिनमा पनि पत्रकारको हितमा सांसद राईबाट सहयोग रहिरहने अपेक्षा राखेको बताए ।
सो अवसरमा सांसद राईले आफ्नो पहलमा ल्याएको स्वास्थ्य सामग्री जिल्ला अस्पताललाई प्रदान गरेको जानकारी दिए । उनले धनकुटालगायत कोशी पहाडको ४ जिल्लाहरु भोजपुर, संखुवासभा र तेह्रथुमको कोरोना संक्रमित विरामीको परिक्षणका लागि पिसिआर ल्याब धनकुटामा राख्न पहल भईरहेको जानकारी दिए । सो ल्यावका लागी १४ लाख भन्दा वढीको मूल्यको मेशिन आईसकेको जानकारी दिए ।
सो कार्यक्रममा प्रदेश सांसद निरन राई, जिल्ला समन्वय समितिका प्रमुख टंक चुवान, धनकुटा नगरका प्रमुख चिन्तन तामाङ, प्रजिअ केशवप्रसाद विमली, प्रशासकीय अधिकृत जयराम श्रोष्ठ, स्वास्थ्य शाखाका प्रमुख तुलसीप्रसाद गुरागाँई, जिल्ला अस्पतालका प्रमुख पुजन विश्वकर्मा तथा स्थानीय सञ्चारकर्मीहरुको उपस्थिति रहेको थियो ।