धनकुटा ३० जेष्ठ । पूर्वउपप्रधानमन्त्री तथा नेपाली कांग्रेसका प्रभावशाली नेता कृष्णप्रसाद सिटौलाले तोकिएको समयमा महाधिवेशन नभए कांग्रेसमा ठूलो संकट आउने बताए । सो कुरा नेता सिटौलाले नेपाली कांग्रेस धनकुटाद्वारा आज प्रविधिमैत्री जुम अन्तत्र्रिmया कार्यक्रमलाईबताएका हुन् । उनले समय तालिका छोट्याएर भएपनि तोकिएको समयमा नै महाधिवेशन गर्नु पर्नेमा जोड दिए । पार्टीका पूर्व महामन्त्री समेत रहेका नेता सिटौलाले अव स्थानीय निर्वाचन आउन पनि केही समय मात्र बाँकी भएकोले पार्टीको महाधिवशेन जसरी भए पनि गर्नुपर्ने धारणा व्यक्त गरे ।
अर्को प्रसंगमा नेता सिटौलाले कोरोना भाईरस नियन्त्रण गर्ने सरकारको कुनै ठोस योजना नभएको भन्दै सरकार असफल भएको वताए । उनले अहिले सरकारको पहिलो प्राथमिकता महामारी नियन्त्रण गर्न गर्नु पर्नेमा सरकारले लकडाउन लाउनु र भ्रष्टाचार गर्नमा केन्दित रहेको आरोप लगाए ।
सो अवसरमा पार्टीका आमन्त्रित केन्द्रिय सदस्य तथा संविधान सभा सदस्य मनोहरनारायण श्रेष्ठले केन्द्रदेखि वडा तहसम्म सर्वदलीय तथा सर्वपक्षीय समिति बनाएर कोरोना नियन्त्रण गर्न सवै एकजुट भएर लागेमात्र सफल हुन सकिने वताए ।
पार्टीका पूर्व जिल्ला उसभापति अजितनारायण सिंह थापाको अध्यक्षतमा सम्पन्न कार्यक्रममा कोषाध्यक्ष दिनेश राईले स्वागत मन्तव्य र जिल्ला सदस्य निर्मल ओझाले कार्यक्रमको उद्देश्य माथि प्रकाश पारेका थिए । कार्यक्रमको सहजीकरण जिल्ला सचिव विजय सन्तोषी राई ,पूर्व सहसचिव राजन पौडेल, क्षेत्र (क) का सभापति जितेन्द्र रुम्दालीले गरेका थिए ।
सो अन्तत्र्रिmया कार्यक्रममा पार्टीका पूर्वजिल्ला सभापति हरी अधिकारीलगायतनेताहरु, शिक्षक, सञ्चारकर्मीहरुको सहभागिता रहेको थियो ।
