धनकुटा असार ८ । नेपाली कांग्रेसको भातृ संगठन नेपाल तरुण दलको भेडेटारमा आयोजित संगठन विस्तार तथा प्रशिक्षण कार्यक्रममा साँगुरीगढी तरुण दल गाउँपालिका समिति गठन गरेका छन् । प्रशेष बुढाथोकीको अध्यक्षतामा ५१ सदस्यीय कार्यसमिति गठन गरेको छ ।
सो समितिको २ जना उपाध्यक्षमा अश्विन राई र विजय राई, २ सचिवमा धर्म मगर र कमल मगर तथा कोषाध्यक्षमा सुशील मगर रहेका छन् । यस्तै समितिमा ४५ जना सदस्यहरु रहेका छन् । सदस्यहरुमा वसन्त लिम्बू,सुरेन्द्र लिम्बू, राजेश लिम्बू, दिनेश लिम्बू, दिपेन लिम्बू, रन्जित राई, उदिप राई, प्रमोद राई, शोभा तामाङ, डम्बर लिम्बू, लक्ष्मी मगर, रोजी राई, नवीन मगर, सञ्न्जय बुढाथोकी, सन्तोष लिम्बू, मणि मगर, खेमराज मगर, मिलन मगर, अलिष राई, टंक मगर, बविन मगर, रिङकु दास रहेका छन् यस्तै नवीन शाह, समीर राई, सुमन मगर, अनिष मगर, युशल मगर, आशिष आचार्य, खिएस मगर, कविन तामाङ, कृष्ण मगर, उमेश राई, टीकाराम राई, रविन मगर, अरुण राई, सुवास राई, दिपेन राई, टीका राई, दलबहादुर चेम्जोङ, भगत लिम्बू, रनिछ्च राई, रोहित मगर, एलेक्स थापा, सेवक न्यौपाने, र देव राई रहेका छन् ।
सो कार्यक्रममा प्रमुख अतिथि नेपाली कांग्रेस प्रदेश सभा क का सभापति जितेन्द्र रुम्दाली राईले वर्तमान नेकपाको सरकार केन्द्रदेखि स्थानीय तहसम्म भ्रष्टाचारमा लिप्त रहेको आरोप लगाए । उनले वर्तमान महामारीको संकटको समयमा पनि सरकार जनताको जिउज्यानको सुरक्षाको भन्दा कसरी भ्रष्टाचार गर्न सकिन्छ भन्नेमा तल्लिन रहेको बताए । उनले रोम जलिरहदाँ राजाले बाँसुरी बजाएर मनोरञ्जन लिईरहेको प्रसंग उल्लेख गर्दै देश यस्तो त्रासमा रहेको अवस्थामा पनि प्रधानमन्त्री केपी ओली कविता रच्नमा व्यस्त रहेको बताए । उनले सरकारको खराव कार्यको भण्डाफोर गर्न र नेपाली कांग्रेसको नीति तथा सिद्धान्त आमजनता समक्ष प्रचार गर्न दलका नवनियुक्त पदाधिकारीहरुलाई निर्देशन दिए ।
सो अवसरमा कांग्रेस जिल्ला सदस्य रमेश इवाहाङ, कांग्रेस साँगुरीगढी गाउापालिकाका अध्यक्ष यामप्रकाश मगरलगायतले शुभकामना मन्तव्य राखेका थिए । सो भेलाको अध्यक्षता नेपाल तरुण दलका वरिष्ठ उपाध्यक्ष धिरज तामाङको अध्यक्षतामा सम्पन्न भएको थियो ।