धनकुटा श्रावण २९ । जिल्ला प्रशासन कार्यालय धनकुटाले आज राती १२ बजेदेखि लागू हुनेगरी धनकुटा नगरपालिकाका छ वटा वडाहरुमा निषेधित क्षेत्र घोषण गरेको छ । कार्यालयले धनकुटा नगरपालिकाका वडा नं. १, ३, ४, ५, ६ र ७ मा निषेधित क्षेत्र घोषणा कार्यालयले गरेको हो ।
जिल्लाका छिमेकी जिल्लाहरुमा कोभिड –१९ को संक्रमण व्यापक रुपमा बढेसँगै धनकुटामा पनि जोखिम उच्च रहेकाले संक्रामण रोग ऐन २०२० अनुसार सो निेषेधित क्षेत्र घोषण गरेको प्रमुख जिल्ला अधिकारी केशवप्रसाद विमलीले जानकारी दिए । सो निर्णय जिल्ला कोभिड –१९ जोखिम व्यवस्थापन केन्द्रको बैठकले गरेका हो ।
सो निेषेधित क्षेत्र आगामी भदौ ४ गते राती १२ वजेसम्मका लागि कायम रहने प्रजिअ विमलीले जानकारी दिए । सो अवधीमा अत्यावश्यक सेवा अन्तर्गत एम्वुलेन्स, दमकल, विद्युत, टेलिकम, खानेपानी तथा अस्पतालका सवारी साधनहरु सञ्चालन गर्न सकिने छ । यसका साथै तरकारी, खाद्यान्न, दूध, इन्धन बोकेका सवारी साधनहरुलाई पनि रोक नलगाईने प्रजिअ मिलीले जानकारी दिए ।
प्रशासनले कार्यालयले लगाएको निषेधित क्षेत्रमा तोकिउकाबाहेक कार्य नगरी कोभिड – १९ नियन्त्रणका लागि सहयोग गर्न नगरवासीहरुलाई आग्हसमेत गरेको छ ।
यसअघि धनकुटा नगरपालिकाले अत्यावश्यक कामबाहेकका सबै कार्यहरु बन्द रहेको घोषणा गरेको थियो ।
धनकुटाका प्रदेश सांसद कुसुमकारी श्रेष्ठ जुली र पति नयन श्रेष्ठलाई कोरोना भाईरसको संक्रमण बढेसँगै जिल्लामा उनीहरुसँग सम्पर्कमा रहेका व्यक्तिहरुको पीसीआर टेस्ट गर्नुपर्ने आवश्यकता औल्याईएको छ ।
