धनकुटा भदौं १४ । धनकुटाका नोवेल कोरोना भाईरसबा संक्रमित १९ जनालाई आईसोलेसन केन्द्रमा राखिएको छ । धनकुटा ६ स्थित निर्माणाधीन औद्योगिक ग्राममा स्थापना गरिएको सो केन्द्रमा स.क्रमित १३ जना प्रहरी हिजो राती र ६ जनालाई आज विहान भर्ना गरिएको स्वास्थ्य कार्यालयका प्रमुख तुलसीप्रसाद गुरागाईले जानकारी दिए ।
भर्ना गरिएको संक्रमितहरुलाई जिल्ला अस्पतालका चिकित्सक तथा स्वास्थ्यकर्मी र धनकुटा नगरपालिका स्वास्थ्यकर्मीहरुको टोलीको निगरानीमा उपचार हुने अस्पतालका प्रमुख डा. पुजन बिश्मकर्माले जानकारी दिए ।
संक्रमितहरुसँग सम्पर्कमा रहेकाहरुको स्वाव परिक्षणका लागि धरानस्थित वीपीकोईराला स्वास्थ्य विज्ञान प्रतिष्ठान पठाईएको छ ।
संक्रमित बढ्दै गएकाले सो केन्द्रलाई १ सय शैयासम्म विस्तार गर्नुपर्ने र यसका लागि धनकुटा उद्योग बाणिज्य संघले सहयोग गर्ने संघका अध्यक्ष विजय सन्तोषी राईले प्रतिवद्धता जनाए । यसका लागि अध्यक्ष राईले अन्य निकायहरु तथा संस्थाहरुलाई पनि सहयोग गर्न आग्रह गरेका छन् । अध्यक्ष राईले सबै स्थानीय तहले २० वडा आईसुलेशन वार्ड आ आफ्नो तहमानै तत्काल स्थापना गर्नु पर्ने अति आवाश्यक भएकोले स्थानीय तहरुलाई स्थापना गर्न समेत धनकुटा उद्योग बािणज्य संघले आग्रह गरेको छ ।
स्वास्थ्य उपचारका लागी धनकुटाको हावापानी अनुकुल तथा कोशी पहाडी जिल्लाकै संक्रमितहरुको उपचारका लागी सो केन्द्र उपयुक्त भएकोले भेन्टिलेटरसहितको उपचार केन्द्रका रुपमा स्थापित गर्नु पर्ने नेपाल पत्रकार महासंघ धनकुटाका अध्यक्ष राजेश्वरबहादुर श्रेष्ठले बताए ।
कोभिड १९ जिल्लास्तरीय सीसीएमसीको बैठकले २० शैयाको आईसोलेसन वार्ड स्थापना गरी संचालन गर्ने निर्णय भएबमोजिम हाल २० शैयाको वार्ड स्थापना गरी संचालन गरिएको छ ।
धनकुटा अस्पतालमा आईसीयू र भेन्टिलेटरसहितको १० वार्ड स्थापना गर्ने र पीसीआर मेसिन खरिद गर्ने प्रक्रिया चाडै अगाडि बढाईने अस्पतालका प्रमुख डा. पुजन बिश्वकर्माले जानकारी दिए ।
