धनकुटा भाद्र १५ । औद्योगिक ग्राममा स्थापना गरिएको आईसुलेशन सेन्टर र क्वारेन्टाईनमा धनकुटा उद्योग बाणिज्य संघले मिनिलर वाटर र गुर्जो जडिबुटी उपलब्ध गराएको छ । केन्द्रमा स्वच्छ पिउने पानीको समस्या भएको देखिएकाले मिनिलर वाटर र जडिबुटी गुर्जो संघका अध्यक्ष विजयसन्तोषी राई र कोषाध्यक्ष रुपेश श्रेष्ठले संघको तर्फबाट प्रदान गरेका छन् ।
संक्रमितहरुसँगको सम्पर्कमा रहेका भनिएका एकसय ३९ जनाको हिजो र आज गरी पीसीआर परिक्षणका लागि स्वाव संकलन गरी पठाईएको धनकुटा अस्पतालका प्रमुख डाक्टर पुजन विश्वकर्माले जानकारी दिए ।
केन्द्रलाई थप साधन स्रोत सम्पन्न बनाई यहि कोरोना सक्रमितहरुको उपचार गर्ने कोभिडअस्पताल निर्माणका लागी सवैलाईे सहयोग गर्नु सघका अध्यक्ष विजयसन्तोषी राईले आग्रह गरे ।
धनकुटामै केन्द्र स्थापना भई संक्रमितलाई राख्ने व्यवस्थाले स्थानीय संक्रमितहरुलाई राहत मिलेको नेपाल पत्रकार महासंघका अध्यक्ष राजेश्वरबहादुर श्रेष्ठले बताए । उनले अब चाडै नै केन्द्रमा भेन्टिलेटरसहितको सेवा विस्तार हुने भएकाले धनकुटेलीहरुलाई ठूलो राहत मिलेको बताए ।
