धनकुटा भाद्र १७ । पहिलेको मेडालिटीमा परिवर्तन गर्दै धनकुटामा थप पाँच दिन लकडाउन थप गरिएको छ । अब विहान र साझ पसल खोल्न पाउने भएको छ । लकडाउन आगामी २२ गते राती १२ वजेसम्म कायम गरिएको जिल्ला प्रशासन कार्यालयले आज जारी गरेको विज्ञप्तीमा जनाएको छ ।
प्रमुख जिल्ला अधिकारी तथा डीसीसीएमसीका अध्यक्ष केशव प्रसाद बिमलीले समुदाय स्तरमा कोरोना भाईरस फैलिदै गएको र उनीहरुको कन्ट्राक्स टे«सिङको आधारमा गरिएको पीसीआरको नतिजा आई नसकेको जानकारी दिए । उनले आउने नतिजालाई हेरेर फेरी निर्णय लिईने जानकारी दिए ।
धनकुटामा तीन हप्ता अघिदेखि लगातार लकडाउन तथा निषेधाज्ञ जारी छ । लामो समयदेखि लगाईएको लकडाउनले व्यवसायीहरु मर्कामा परेकाले लकडाउन मोडालिटी परिर्वतन गर्दै पाँच दिन थप गरिएको धनकुटा उद्योग बाणिज्य संघका अध्यक्ष विजय सन्तोषी राईले जानकारी दिए ।
यो अवधिमा प्रत्येक दिन दैनिक उपभोग्य, अत्यावश्यक सामग्रीहरुको पसल र अन्य पसलहरु विहान ७ बजेदेखि १० बजे सम्म र साझ ५ बजेदेखि ७ सम्म खोल्न पाउने संघका अध्यक्ष राईले बताए ।
यो अवधिभर बैक तथा वित्तीय संस्थाहरुले अनलाईनबाट काम गर्ने, सकारी कार्यालयहरुले पनि भरसक अनलाईनबाट सेवा प्रवाह गर्ने जनाएको छ । अनलाईबाट भएन भने मात्र अत्यावाश्यक सेवा कार्यालयबाट प्रदान गर्ने जनाएको छ । यो अवधिमा यातयातका साधनहरु संचालनमा पूर्ण रुपमा बन्देज र अत्यावाश्यक काम बाहेक हिडडुल गर्ने समेत निषेध गरिएको जिल्ला प्रशासन कार्यालयका नायव सुब्बा रत्न दर्लामीले बताए ।
खाद्यान्नबाहेकका व्यवसायीहरुले दुई समय नभई एकै समय दिउसो १ वजेदेखि बेलुका ७ वजेसम्म व्यवसाय सञ्चालन गर्न पाउनु पर्ने माग गरेका थिए ।
यो अवधिभर जिल्लाभर नै सभा सम्मेलन, भेला, छलफल, गोष्ठी बैठक तथा अन्तत्र्रिmया गर्ने नपाउने सूचनामा उल्लेख गरिएको छ ।
