धनकुटा २४ भदौ । सामुहिक यौनशोषणबाट गर्भ बोकेकी भनिएकी १३ वर्षिया बालिकाले अस्ती सोमवार साँझ छोरी जन्माएकी छन् । शल्यक्रिया प्रक्रियाबाट जन्मिएकी शिशु र आमाको स्वास्थ्य स्वस्थ्य रहेको छ ।
निज बालिका केहि महिनादेखि महिला पुनःस्थापना सेवा केन्द्रमा आश्रय लिएर बसिरहेकी थिईन । उनलाई सुत्केरी वेथा लागे पछि गत आईतवार साँझ धनकुटा अस्पतालमा सुत्केरी गराउन लगेका थिए । तर बालिकाको पेटको बच्चा उल्टो बसेकाले शल्यक्रिया गर्नु पर्ने र जिल्ला अस्पतालमा सुत्केरी गराउन समस्या भएपछि सोमवार कोशी अञ्चल अस्पताल विराटनगर लगिएको सेवाकेन्द्र धनकुटाकी उपाध्यक्ष सुक्री राईले बताईन । बालिकालाई ओसिएमसी एकद्वार संकट व्यवस्थापन कार्यक्रमको सहयोगमा निःशुल्क शल्यक्रियाको व्यवस्गा गरिएको उपाध्यक्ष राईले बताईन । जिल्ला अस्पतालले पनि ओसिएमसी कार्यक्रमको सहयोगमा कोशी अञ्चल अस्पतालमा रेफर गरेको थियो ।
निज बालिकामाथि लामो समयदेखि पटक÷पटक यौनशोषण गरेको आरोपमा एक शिक्षकसहित चार जना अभियुक्तलाई पुपक्र्षका लागी जिल्ला कारागारमा थुनामा छन् । उनीहरुको मुद्धा हाल जिल्ला अदालतमा विचाराधीन अवस्थामा छ ।
ती चार जना आरोपित अभियुक्तहरुले बलात्कार गरेको नभई छट्टा छुट्टै समयमा ललाईफकाई यौनशोषण गरेका बताईन्छ । नेपालको कानूनअनुसार वालिकालाई मञ्जुरीमै यौनसम्पर्क गरेको भएपनि यौनशोषण मानिने छ । सोहिअनुसार उनीहरुलाई जवर्जस्ती करणी महल अन्तर्गत कारबाही प्रक्रिया अगाडि बढाएको जिल्ला प्रहरी कार्यालयका प्रवक्ता प्रहरी नायव उपरीक्षक ध्रुवकुमार श्रेष्ठले बताए । प्रवक्ता श्रेष्ठकाअनुसार वादी प्रतिवादी दुवै पक्षको साक्षी बकपत्र भैसकेकाले अदालतले फैसला गर्न बाँकी रहेको बताए ।
त्यसैगरी आफ्नै बुबाको यौन हिंसामा परी गर्भ रहेको चौविसे गाउँपालिकाकी अर्की बालिका पनि सुत्केरी हुने अवस्था छिन् । हाल उनी पनि महिला पुनःस्थापना सेवा केन्द्रमा आश्रित छिन् । केन्द्रमा हाल १ जना सुत्केरी भैसकेको, १ जना असोज अन्तिममा सुत्केरी हुन लागेको र २ जना आफ्नै बुवाबाट जर्वजस्ती करणीवाट गर्भ रहेको र ३–४ जना मिलेर जर्वजस्ती करणीमा परेकी १ जना अपाङ्ग बालिका गरी ५ जना केन्द्रको संरक्षणमा रहेको सेवा केन्द्रकी सचिव हिमा चेम्जोङले बताईन ।
