धनकुटा २४ भदौ । आज विविध कार्यक्रमसहित १०७ औ वीपी जयन्ती धनकुटालगायत देशभर मनाईयो । सो अवसरमा नेपाली कांग्रेसले सहिद भीम नारायण स्मृति भवन परिसरमा सरसफाई गर्दै जडिबुटीको विरुवा तथा फुल रोपिएको थियो । यसका साथै स्मृति भवनमा श्रद्धाञ्जली सभाको आयोजना गरिएको छ ।
सरसफाई तथा बृक्षारोपणमा पार्टीका जिल्ला सभापति अग्नीप्रसाद पौडेलको अध्यक्षतामा आयोजित कार्यक्रममा प्रदेश सांसद लीला सुब्बा, जिल्ला उपसभापति नवीनकिशोर शाक्य, सचिव विजयसन्तोषी राई, मनोनित सचिव रविन्द्र नेपाली, सहसचवि सीता श्रेष्ठ, कोषाध्यक्ष दिनेश राई, नेपाल शिक्षक संघ १ नम्वर प्रदेशका उपाध्यक्ष गंगाराम ढुंगाना, जिल्ला सदस्यहरु विष्णु पौडेल, सुमना तिम्सिना, खेम पौडेल, जयन्द्र घिसिङ, राजेन्द्र पौडेल, दुवै क्षेत्रका कोषाध्यक्षहरु क्रमशः निरुपा राई, लोकमणी घिमिरे, नेपाल महिला संघका पूर्व अध्यक्ष अम्विका राई, नगरसभापति रोशन श्रेष्ठ, सदस्य भैरव पाँचकोटी लगायतले सरफाई गरी विभिन्न जातका फुलहरु र जडिबुटी गुर्जोको विरुवाहरु, ड्राईगन फलका विरुवाहरु रोपेका थिए ।
यस्तै श्रद्धाञ्जली सभामा उनीहरुले वीपी कोइरालाको तस्विरमा फुलमाला तथा टिका लगाई दिई श्रद्धाञ्जली व्यक्त गरिएका थिए । सो अवसरमा उनीहरुले वीपीको विचार अहिले पनि उत्तिकै सान्र्दभिक भएकाले वीपीको विचारबाट हिडे मात्र सफलता प्राप्त गर्न सकिने बताएका थिए ।
पार्टी सभापति अग्नीप्रसाद पौडेलको अध्यक्षतमा सम्पन्न भएको कार्यक्रमको संचालन सचिव विजय सन्तोषी राईले गदैैै वीपीको योगदानको वारेमा चर्चा गर्दै वीपीको जीवनीको वारेमा प्रकाश पारेका थिए ।
कार्यक्रममा नेपाल प्रेस युनियनका केन्द्रिय प्रतिनिधि बिनोद घिमिरे, नेपाल महिला संघ धनकुटा ७ का अध्यक्ष राधा देवी तिम्सिना, तारादेवी बस्नेत, शिक्षक संघका सदस्य योगेन्द्र सुवेदी, नेवि संघका पूर्व जिल्ला उपाध्यक्ष विजय अधिकारीलगायत धनकुटा कांग्रेसका सदस्यहरुको कार्यक्रममा सहभागीता रहेको थियो ।