धनकुटा । पूर्वमन्त्री तथा नेपाली कांग्रेसका नेता सुनिलबहादुर थापाले एक कार्यक्रमका वीच नेपाल पत्रकार महासंघ धनकुटा शाखालाई स्वास्थ्य सामग्री हस्तान्तरण गरेका छन् । सो अवसरले पूर्वमन्त्री थापाले मास्क, फेससिल र ग्लोब्स महासंघका अध्यक्ष राजेश्वरबहादुर श्रेष्ठलाई हस्तान्तर गरेका थिए ।
सो कार्यक्रममा पूर्वमन्त्री थापाले स्वास्थ्यकर्मी, सुरक्षाकर्मी जस्तै सञ्चारकर्मीहरु अग्रभागमा रहेर काम गर्ने भएकाले सधै जोखिममा रहने बताए । उनले सञ्चारकर्मीलाई उच्चजोखिमबाट बचाउन सानो रुपमा भएपनि सुरक्षित सामग्री उपलब्ध गराउन पाउँदा खुसी लागेको बताए ।
पूर्वमन्त्री थापाले विगतमा आफु संयुक्त राष्ट्र संघअन्तर्ग युद्धग्रस्त देशमा कार्यरत रहदाँ सञ्चारकर्मीहरुले जोखिम मोलेर सूचना प्रवाह गर्ने गरेको प्रसंग उल्लेख गरे । उनले आफूले धनकुटाका पत्रकारहरुलाई पहिले पनि सहयोग गरेको र आगामी दिनमा पनि सकेको सहयोग गर्ने आश्वासन दिए ।
अर्को प्रसंगमा कांग्रेस नेता थापाले नेपाल नेत्रज्योती संघद्वारा सञ्चालित आँखा अस्पताललाई अत्याधुनिक शल्यक्रिया गर्ने ३५ लाख मूल्य पर्ने मेसिन हिमालयन बैंकमार्फत खरिद गर्न पहल गरेको जानकारी दिए । उनले सो मेसिन जडान गरेपछि कोशी पहाडका आँखा रोगका विरामीहरुलाई राहत पुग्ने विश्वास व्यक्त गरे ।
सो कार्यक्रमा पत्रकार महासंघका अध्यक्ष राजेश्वरबहादुर श्रेष्ठले पूर्वमन्त्री थापालाई वर्तमान संकटपूर्ण अवस्थामा सञ्चारकर्मीहरुका लागि सुरक्षा सामग्री उपलब्ध गराएकोमा धन्यवाद दिए । उनले कोभिड १९ विश्वव्यापी महामारीका रुपमा फैलिईरहेको अवस्थामा फ्रन्टलाईनमा क्रियाशील सञ्चारकर्मीहरुलाई सुरक्षित तवरले काम गर्न मास्कले सुरक्षा प्रदान दिने बताए ।
सो कार्यक्रममा महासंघका उपाध्यक्ष नगेन्द्र राई, सचिव विदुर खवास, कोषाध्यक्ष नारायणकुमार राई, पत्रकारहरु विकास घिमिरे, इश्वर थापा, माधव गुरागाई पूर्णकुमार चौधरीलगायत सञ्चारकर्मीहरुको उपस्थित रहेको थियो ।