धनकुटा । अविरल बर्षा कारण धनजन गुमाएका पीडितलाई नेपाली कांग्रेस धनकुटाले आर्थिक सहयोग प्रदान गरेको छ । महालक्ष्मी नगरपालिका वडा नं. ९ मूर्तिढुंगाका पुराना कांग्रेसी नेता तथा द्वन्द्वपीडित टांकबहादुर आङ्लाका परिवारलाई आर्थिक सहयोग गरेको छ ।
सो राहत रकम कांग्रेस जिल्ला सभापति अग्नीप्रसाद पौडेल, प्रदेश सांसद लिला सुब्बा, संविधान सभा सदस्य अञ्जना ताम्ली, कांग्रेस जिल्ला सचिव विजयसन्तोषी राई, कोषाध्यक्ष दिनेश राईलगायत नेता तथा कार्यकताहरुले
पीडितका छोरा धनबहादुर आङ्लालाई प्रदान गरेको हो ।
अविरल परेको पानीले आङ्लाको भान्साघर भत्किएको थियो । भत्किदा धनबहादुरका ७ महिनाको छोरी गंगा आङ्लाको पुरिएर निधन भएको थियो । यस्तै पशु तथा पंक्षीका साथै अन्न, भाडा वर्तन पुरिएर ठूलो क्षति भएको प्रहरीले जनाएको छ ।
पीडितलाई तत्कालका लागी ११ हजार ५ सय ५ रुपैया आर्थिक सहयोग गरेको सचिव विजय सन्तोषी राईले जानकारी दिए ।
सो अवसरमा कांग्रेस मूर्तीढुंगाका नेताहरु चेतनाथ सापकोटा, भूपाल मादेन, पदमसिंह आङ्ला लगायतको सहभागीता रहेको थियो ।