धनकुटा असोज १० । ग्रीन कागते क्लिन कागते नाराका साथ कागतेलाई पर्यटन प्रवद्र्धन गर्ने उद्देश्यले कागतीको स्तम्भ निर्माण गरिएको छ । सो स्तम्भको साथै कागतेको प्रचारप्रसारका लागि हाम्रो कागते परिवारको आयोजना गरिएको स्तम्भमा फोटोखिची जसले बढी लाईक पाउँछ उहि विजेता प्रतियोगिताका विजेताहरुलाई पुरस्कार वितरण गरिएको छ । परिवारमा वडा नं. ३ का वडाध्यक्ष विकास घिमिरे, सिंगापुर प्रहरीका अधिकृत कुमार श्रेष्ठ र कागते निवासी सुरेश यक्सो लिम्बु (हाल हङकङ) रहेका छन् ।
प्रतियोगिताका क्रमशः प्रथम, द्वितीय, तृतीय हुने सजिना बस्नेत, अस्मिता श्रेष्ठ, हामी नेपाली समूह र उत्कृष्ट १२ जनालाई प्रमुख अतिथि संविधानसभाका सदस्य तथा पूर्वमन्त्री सुनिलबहादुर थापा, विशिष्ठ अतिथि प्रदेश सांसद आरसी तुम्वा तथा अतिथि प्रहरी उपरीक्षक गोविन्द अधिकारी, अतिथि सिंगापुर प्रहरीका पूर्व अधिकृत कुमार श्रेष्ठलगायतले पुरस्कार वितरण गरेका थिए । सो अवसरमा पूर्वमन्त्री थापाले पर्यटन प्रवद्र्धनका लागि वडासमिति तथा हाम्रो कागते समूहले गरेको प्रयासहरुको प्रशंसा गरे । उनले स्तम्भको विश्वव्यापी प्रचारप्रसारका लागि अपनाईएको फोटो प्रतियोगिताले छोटो समयमा कागतेको प्रचार भएको बताए ।
यस्तै विशेष अतिथि प्रदेश सांसद आरसी तुम्वाले वडाध्यक्ष विकास घिमिरेले निर्वाचनताका जारी गरेको घोषणापत्रअनुसार कागतेलाई पर्यटकस्थल बनाउन सफल हुदै गएको बताए । उनले वडाध्यक्ष घिमिरेको आग्रहमा चमेरेगुफाको पर्यटन विकासका लागि प्रदेश सरकारबाट १५ लाख विनियोजन गरेको जानकारी दिए ।
यस्तै सिंगापुरका पूर्वप्रहरी अधिकृत कुमार श्रेष्ठले आफु जन्मेको ठाउँको विकासका लागि विदेशमा बसेर पनि सहयोग गर्न पाएकोमा खुसी व्यक्त गर्दै आगामी दिनमा पनि सहयोग गरिरहेने प्रतिवद्धता जनाए ।
वडाध्यक्ष विकास घिमिरेको अध्यक्षतामा सम्पन्न कार्यक्रममा स्वागत मन्तव्य बुद्धिजीवी डा. श्याम वाग्ले गरेका थिए । कार्यक्रमको सञ्चालन दिनेश भण्डारीले गरेका थिए ।