धनकुटा १६ असोज । पाख्रिवासमा नेपाली कांग्रेस नगर कार्यसमितिको कार्यालय उद्घाटन गरिएको छ । धनकुटा कांग्रेस सभापति अग्नी प्रसाद पौडेल, सचिव विजय सन्तोषी राई र प्रदेश क्षेत्रीय सभापति इन्दिरा थापाले संयुक्त रुपमा विशेष समारोहका वीच उद्घाटन गरेका थिए । सो अवसरमा सभापति पौडेलले कांग्रेस अहिले नवीनतम ढंगबाट संगठन विस्तार र सुदृढीकरणमा लागेको बताए । उनले नेकपाको सत्ता दम्भ र जनविरोध कार्यले नेकपाबाट जनतामा वितृष्णा जागेको बताए ।
सो अवसरमा कार्यालय सञ्चालन, पार्टी संगठन विस्तार तथा सुदृढीकरणका लागी नेता तथा कार्यकर्ताहरुले गरी पाँच लाख ५३ हजार पाँच सय रुपैया नगद सहयोग गर्नेे प्रतिवद्धता जनाएका छन् ।
गत स्थानीय तहको निर्वाचनमा कांग्रेस शून्य भएको पाख्रिवास नगरमा अहिले सशक्त र शक्तिशाली हुदै गएको छ । अहिले सयौको संख्यामा अन्य पार्टीहरु परित्याग गर्दै नेपाली कांग्रेस प्रवेश गर्नेहरुको जनलहर चलेको स्थानीय कांग्रेस नेताहरुले जनाएको छ ।
सो कार्यक्रममा नेपाली कांग्रेसका महासमिति सदस्य आनन्दसन्तोषी राईले वर्तमान सरकार काम गर्न भन्दा कुरा गर्न व्यस्त रहेको बताए । उनले लोकतन्त्र सुदृढिकरणका लागि अब कांग्रेसको विकल्प नभएको बताए ।
कर्यक्रम कांग्रेस पाख्रिवास नगरका नेता तथा ज्येष्ठ नागरिक भक्तबहादुर गुरुङ्गको अध्यक्षतमा सम्पन्न भएको थियो । कार्यक्रममा जिल्ला सचिव विजय सन्तोषी राई, जिल्ला सदस्यहरु ज्ञानु गुरुङ्ग, निर्मल ओझा, मोहन बान्तवा, जयन्द्र घिसिङ्ग, गोरखबहादुर पिठाकोठे, प्रदेश सभा क्षेत्रीय सभापति इन्दिरा थापा, सचिव हरीबहादुर राईले वर्तमान संकटको अवस्थामा पनि नेकपाको सरकार जनताको सेवा गर्न भन्दा कमाउ धन्धामा लागेको बताए । सो अवसरमा नेता कृष्ण थापा, महिला संघका उपाध्यक्ष अम्विका धमला, कांग्रेस पाख्रिवास नगर उपसभापति प्रेम भण्डारी, कोषाध्यक्ष विरबहादुर थापा, तरुण दल पाख्रिवासका अध्यक्ष रवी राई, नेताहरु निलम थापा, गोविन्द थापा, डिवि मोक्तान, विष्णु मोक्तान, रमेश पाण्डे, सन्तोष मानन्धरलगायतले पाख्रीवासमा नेपाली कांग्रेसको पक्षमा जनलहर बढ्दै गएको बताए ।
सो अवसरमा नेकपा पाख्रीवास नगर समितिका सदस्य पूर्णबहादुर थापालगायत विभिन्न पार्टीहरुबाट ९३ जना भन्दा बढी नेता तथा कार्यकर्ताहरु कांग्रेस पार्टीमा प्रवेश गरेका थिए । केहि महिनादेखि पाख्रिवासमा विभिन्न पार्टी परित्याग गरी प्रवेश गर्नेहरुको संख्या १ हजार ४ सय १७ जना पुगेको कांग्रेस पाख्रीवासका उपसभापति प्रेम भण्डारीले जानकारी दिए ।
पर्टी नगरसचिव चन्द्र बस्नेतले सञ्चालन गरेका कार्यक्रममा नेपाली कांग्रेसको विधान र क्रियाशील सदस्यता वितरण सम्वन्धि जिल्ला सचिव विजय सन्तोषी राई र संगठन विस्तार सम्वन्धमा जिल्ला सदस्य जयन्द्र घिसिङ्गले सहजीकरण गरेका थिए ।
कांग्रेसका पाख्रिवास नगरका सवै वडाका वडा सभापतीहरु, नगर समितिका पदाधिकारी तथा सदस्यहरु लगायतको उपस्थिति रहेको समितिका उपसभापति प्रेम भण्डारी जानकारी दिए ।
