धनकुटा । धनकुटा नगरपालिका, यूएनडिपी र पर्डेप नेपालको संयुक्त आर्थिक सहयोगमा धनकुटा–१० स्थित पारिपात्लेमा रहेको मनकामना दुग्ध उत्पादक सहकारी लिमिटेडलाई ट्याम्फु हस्तान्तरण गरिएको छ ।
एक कार्यक्रमका वीच आइतबार धनकुटा नगरपालिका प्रमुख चिन्तन तामाङले सहकारीका अध्यक्षलाई ट्याम्फुको चावी हस्तान्तरण गरेका हुन् । उक्त सहकारीलाई ८ थान प्लाष्टिक टनेल समेत प्रदान गरिएको
थियो ।
ट्याम्फु हस्तान्तरण कार्यक्रममा वोल्नु हुँदै नगर प्रमुख चिन्तन तामाङले किसानले उत्पादन गरेको दुग्ध सहकारी केन्द्र सम्म ल्याउन र सहकारी वाट बजार सम्म पु¥याउन सहज हुने बताए । उनले सबै सदस्यहरुको सामुहिक छलफलवाट कार्यविधि पास गराई संचालन गर्न समेत अनुरोध गरे ।
त्यस्तै धनकुटा नगरपालिकाका प्रमुख प्रमुख प्रशासकीय अधिकृत रामबहादुर थापाले गत वर्ष पनि युएनडिपिसँग सहकार्य गरि नगरपालिकाले जनवायु अनुकुलन नमूना गाउँ (स्मार्ट भिलेज) संचालन गरिएको र यो बर्ष पनि युएनडिपि र पर्डेप नेपाल सँग सहकार्य गरि कोभिड १९ नियन्त्रणका लागि कार्यक्रम सञ्चालन गरिरहेको बताए ।
पर्डेप नेपालका कार्यक्रम संयोजक मीनप्रसाद सुवेदीले साझेदारी संस्थाको ८० प्रतिशत र सहकारी संस्थाको २० प्रतिशत लागत साझेदारीमा ट्याम्फु खरिद गरी वितरण गरिएको उनले बताए ।
उनका अनुसार संस्थाले १ लाख ३३ हजार र कार्यक्रम अन्र्तगतको ४ लाख २७ हजार गरि कुल ५ लाख ६० हजारमा ट्याम्फु खरिद गरिएको हो ।
भिडियो हेर्न यसमा क्लिक गर्नुहोला :
१० नं. वडाका वडाध्यक्ष कमल कार्कीले वडामा कृषकलाई लक्षित गरि विभिन्न कार्यक्रम सञ्चालन गरिरहेको जानकारी गराएका थिए ।
कार्यक्रममा वोल्दै मनकामना दुग्ध सहकारी संस्थाका अध्यक्ष विपेन्द्र दाहालले सहकारीलाई प्राप्त ट्याम्फू कार्यविधि बनाई संचालन गर्ने बताए । सहकारीले दैनिक २ सय ५० लिटर सम्म दुग्ध संकलन गर्दै आइरहेको छ ।