धनकुटा । दुवै मृगौला फेल भएर थलिएकी गोमादेवी श्रेष्ठलाई उपचारमा सहयोग पुगोस् भनेर आर्थिक सहयोग गरिएको छ । गोमादेवी उपचारका लागि सहयोग संकलन अभियानकताए जयन्द्र प्रधानले श्रेष्ठले ७२ हजार रुपैयाँ सहयोग पीडित महिला श्रेष्ठलाई हस्तान्तरण गरिएको छ ।
अभियानकर्ता प्रधानकाअनुसार बजार क्षेत्रका साथिभाईहरुसँग सो रकम संकलन गरिएको जानकारी दिए । उनले पीडित महिलाको उपचारमा धेरै रकम खर्च भैसकेको र आगामी दिनमा पनि खर्च हुने देखिएकोले आफुले केहि राहत पुगोस् भनेर रकम संकलन गरेर उपलब्ध गराएको जानकारी दिए । उनले श्रेष्ठको उपचारका लागि देशविदेशमा रहनुभएका मनकारी महानुभावहरुलाई सहयोगको लागि आग्रहसमेत गरेका छन् ।
पीडित महिला धनकुटा नगरपालिका ७ की ४६ वर्षिया हुन् । उनको करिब ६ महिना अघि दुवै मृगौला फेल भएका थिए । सामान्य आर्थिक अवस्था रहेका परिवार श्रेष्ठको उपचारका लागि अहिलेसम्म चिनेजानेकाहरुसँग ऋणपान गरेर गरिरहेकोजानकारी दिए । आर्थिक अभाव भएको कारण उपचारमा समस्या भैरहेको समयमा रकम सहयोग गरेर ठूलो गुण लगाएको पीडित श्रेष्ठले बताइृन् ।
हस्तान्तरण कार्यक्रममा पत्रकार महासंघ धनकुटाका अध्यक्ष राजेश्वरबहादुर श्रेष्ठ, व्यवसायी देवेन्द्र श्रेष्ठ, पत्रकार इश्वर थापालगायतको उपस्थिति रहेको थियो ।
