धनकुटा, कार्तिक १ । तरुण युवाहरु परिर्वतनको संवाहक भएकाले धनकुटाको परिवर्तनमा युवाले नेतृत्व लिनु पर्ने छ । सो कुरा नेपाली कांग्रेसको आयोजनामा निगालेमा आयोजित तरुण भेलामा जिल्ला सचिव तथा तरुण दल नगरका पूर्व अध्यक्ष विजयसन्तोषी राईले बताएका हुन । उनले देशमा भैरहेको विकृति र विसंगतिविरुद्ध युवा एकजुट भएर लाग्नु पर्ने बताए ।
सो भेला तरुण दल धनकुटा नगरका नेता धनबहादुर तामाङको अध्यक्षतामा सम्पन्न भएको थियो । सो भेलामा कांग्रेस धनकुटा नगर सदस्य राम घिसिङ, पूर्व कोषाध्यक्ष मनोज राई, पार्टी वडा नं. १ का सचिव मेखराज शाही, पूर्व वडा पार्टी सभापति प्रेम कार्की, तरुण नेताहरु अर्जुन तामाङ,अज्यूत घिमिरे,नेपाल तरुण दल कुवापानी टोल समितिका अध्यक्ष बिनोद घिमिरे, पात्ले टोल समितिका अध्यक्ष श्यामराज तामाङ्ग लगायतले वडा नं. १ हिलेका तरुणहरु सहभागी भएका थिए । सो अवसरमा उनीहरुले देशको हरेक अधिकारका लागि युवाले बलिदान दिएको गौरवपूर्ण इतिहास रहेको बताउँदै जनहितका लागि युवा संगठित हुनुपर्ने बताए ।
उक्त भेलाले सुरेश तामाङको अध्यक्षतमा ३३ सदस्यीय नेपाल तरुण दल निगाले टोल समिति र खगेन्द्र थापाको अध्यक्षमा ३७ सदस्यीय छरछरे टोल समिति गठन गरेको छ ।