धनकुटा १ कार्तिक । धनकुटा उद्योग वाणिज्य संघले जिल्लाको व्यापारिक केन्द्र हिलेको आन्तरिक बजार अनुगमन गरेको छ । सो अवसरमा संघले व्यवसायीहरुलाई व्यवसाय संचालन सहजिकरण ताथा कर शिक्षा कार्यक्रम संचालन गरेको छ । संघले पर्वको आगमनसँगै आन्तरिक अनुगमनका साथै घरदैलो कर शिक्षा कार्यक्रम संचालन गरेको हो ।
सो अवसरमा संघका अध्यक्ष विजयसन्तोषी राई, कार्यकारी सदस्यहरु डिजेश शाक्य, राम घिसिङ, नरेन्द्र काफ्ले, डिलर एशोसिएसनका सदस्य विपीन थापा, कृष्णराज जोशी, संघका कर्मचारी मुकेश राईले करका विषयमा सहजीकरण गरेका थिए ।
कर शिक्षा अन्तर्गत संघले पसलमा देख्नेगरी मुल्यसूची राख्न, कर पाटी राख्न, खरिद तथा विक्री विल जारी गर्न, म्याद सकिएको सामग्रीहरु तथा अखाद्य सामग्रीहरु विक्री वितरण नगरी शिल गरी फिर्ता पठाउन आग्रह गरे । यस्तै संघले व्यवसाय नवीकरण तथा दर्ता समयमा नै गर्न जानकारी दिए । यस्तै कोरोना भाईरसबाट बच्न सामाजिक दुरी कार्यम गरी मास्क अनिवार्य लगाउन र सेनिटाईजरले हत धुने र धुन लगाउन संघले हिलेका व्यापारी तथा व्यवसायीहरुलाई अनुरोध गरेको छ ।
संघको टोलीले हिलेका केही पसलहरुमा नमुनाको रुपमा अनुगमन गरेका थिए ।