धनकुटा । गोकुण्डेश्वर मावि धनकुटा ६ मा वडादशैंको शुभकामनाका आदान प्रदान गर्दै छात्रबृत्ति वितरण गरिएको छ । विद्यालयले कक्षा १ देखि १० सम्मका छात्रा, दलित तथा अपाङ्ग विद्यार्थीहरुलाई छात्रबृत्ति वितरण गरेको हो ।
छात्रबृत्ति गोकुण्डेश्वर मावि एल्मुनाई एशोसिएनका अध्यक्ष प्राडा गोपालबहादुर भट्टराई, धनकुटा उद्योग बाणिज्य संघका अध्यक्ष तथा एल्मुनाईका सदस्य विजयसन्तोषी राई, विद्यालय व्यवस्थापन समितिका अध्यक्ष उत्तम खड्गी, समितिका सदस्य तथा एल्मुनाईका सदस्य पुरेन्द्रलाल श्रेष्ठ, विद्यालायका प्रधानाध्यापक यज्ञप्रकाश चापागाईलगायतले वितरण गरेका थिए । छात्रबृत्ति विद्यालयमा अध्ययनरत छात्रा, दलित र अपाङ्ग छात्रछात्रा गरी १ सय ४६ जना विद्यार्थीहरुले जितरण गरेका थिए ।
एल्मुनाईका अध्यक्ष प्राडा भट्टराईको अध्यक्षतमा सम्पन्न कार्यक्रममा विद्यालयका प्रधानाध्यापक यज्ञप्रकाश चापागाईले कोरोना भाईरसले विद्यालयले शैक्षिक गतिविधि सञ्चालन गर्न नसकिएको जानकारी दिए । यस्तै एल्मुनाईका स्रोत व्यक्ति रिना लुईटेलले एल्मुनाईको गतिविधिको वारेमा जानकारी गराएका थिए ।
सो अवसरमा विद्यालयका सहायक प्रअ लक्ष्मी सापकोटा, एल्मुनाईका स्रोतव्यक्ति रिना लुईटेल, शिक्षकहरु गंगाराम ढुंगाना, मच्छिन्द्र राई, खगेन्द्र श्रेष्ठलगायतले दशै, तिहार बाड्ङ्गमीलगायतका सवै पर्वहरुको शुभकामना व्यक्त गरेका थिए ।
