धनकुटा कार्तिक १० । विश्वव्यापी मामारीको रुपमा फैलिएको कोरोना भाईरसविरुद्ध धनकुटा उद्योग बाणिज्य संघले १ सय ४ वटा कार्यक्रम सञ्चालन गरेको छ । सरकारले कोरोना नियन्त्रणका लागि गत चैत्रदेखि लामो समय लकडाउन लगाएको थियो । संघले गत चैत्रदेखि अहिलेसम्म सो कार्यक्रमहरु संचालन गरेका छन् ।
यो समयमा संघले स्वास्थ्य सामग्रीहरु वितरण, इम्युनिटी पावर बढाउने गुर्जोलगायतका औषधिहरु वितरण गरेका छन् । यस्तै अभियानको क्रममा प्रचारात्मक सचेतना, अभियान, सामाजिक दुरी कायम गर्न सुरक्षा दुरी चिन्ह लगाउने अभियान, कर शिक्षा अभियान, बैक तथा वित्तीय संस्थाहरुको ऋणको ब्याज मिनाहा गर्न र किस्ता बुझाउने म्याद सार्न अभियान, राहत वितरण अभियान, घर भाडा मिनाहा अभियानलगायत कार्यक्रमहरु सम्पन्न गरेको संघका अध्यक्ष विजयसन्तोषी राई र महासचिव रामबहादुर गोङ्वाद्वारा हस्ताक्षरित विज्ञप्तीमा जनाएको छ । संघले प्रचारात्मक सचेतना अभियान अन्र्तगत कोरोना भाईरसबाट बच्नका लागी पर्चा वितरण, पोष्टर टास्ने, व्यानर राख्ने गरेको थियो ।
लकडाउन लाग्न अघि संघले चौकचोकमा धारासहितको ड्रम तथा बाल्टिन राखेर हात धुने अभियान सञ्चालन गरेका थिए । संघले लकडाउन लागेपछि फ्रन्टलाईनमा खट्ने संचारकर्मी, प्रहरी, ट्राफिक, प्रहरी, स्वास्थ्यकर्मीहरु, एम्बुलेन्स चालकहरुलाई स्वास्थ्य सुरक्षा सामग्रीहरु वितरण गरेका छन् ।
संघले घरभाडा मिनाहा अभियान अन्र्तगत अहिलेसम्म ३ सय २६ जना घरधनीहरुले घर भाडा मिनाहा गरेको विज्ञप्तीमा उल्लेख गरिएको छ । यस्तै लकडाउनमा दैनिक उपभोग्य सामग्रीहरुको अभावलाई सहजिकरण गर्दै तरकारी तथा कुखुराको मासु घरघरमै पु¥याएर सुपथ मुल्यमा विक्रीवितरण गर्ने व्यवस्था मिलाएको थियो ।
स्वाथ्य सुरक्षा सामग्रीहरु वितरण अभियानअन्र्तगत निजी अस्पतालहरुलाई पीपीई किट वितरण, जनसम्पर्क बढी हुने १५ वटा कार्यालयहरुलाई फेससिल, मास्क, सेनिटाईजर, पञ्जा लगायका समाग्रीहरु वितरण गरेका छन् ।
यसैगरी संघले उद्योग तथा व्यवसाय फर्म दर्ता तथा नवीकरण दस्तुरमा सयौ गुणा बृद्धी गरेकोमा घटाउन माग गर्दै प्रदेश मुख्यमन्त्रीलाई ज्ञापनपत्र पठाई प्रदेश सांसदहरुसँग छलफल गरेको छ । संघले कर शिक्षा अभियान अन्र्तगत घुम्ती कर शिक्षा र घरदैलो कर शिक्षा कार्यक्रम संचालन गरेको संघद्वारा जारी विज्ञप्तीमा उल्लेख गरिएको छ ।