धनकुटा । चौविसे गाउँपालिका वडा नं. २ स्थित डाँडागाउँमा सामुदायिक मगर संग्रहालय स्थापना गरिएको छ । एक कार्यक्रमका वीच प्रमुख अतिथि १ नं. प्रदेश सभा सदस्य निरन राईले रिवन काटेर संग्रहालयको उद्घाटन गरेका हुन् ।
संग्राहालयमा मगर समुदायको पहिचान झल्किने सबै साम्रागीहरु संरक्षण गरि राखिएको छ ।
प्रदेश सभा सदस्य निरन राईको निर्वाचन क्षेत्र पूर्वधार कार्यक्रम क्षेत्र नं. १ ‘क’ आ.व. २०७६÷७७ को विनियोजित १० रुपैया लागतको निर्माण गरिएको हो । संग्रहालयको व्यवस्थापन चौविसे गाउँपालिकाले गरेको छ ।
कार्यक्रममा वोल्दै प्रमुख अतिथि प्रदेश सभा सदस्य राईले संग्रहालयको थप संरचना निर्माण गर्न सहयोग गर्ने प्रतिवद्धता व्यक्त गरे ।
त्यस्तै चौविसे गाउँपालिका अध्यक्ष खजिन्द्र राईले स्थापना भएको संग्रहालयले मगर समुदायको संस्कृति, रितिरिवाज लगायतको संरक्षण तथा सम्वद्र्धन गर्न सहयोग पुग्ने बताए ।
कार्यक्रममा वोल्दै गाउँपालिका उपाध्यक्ष यज्ञकुमारी रुचालले आर्थिक, सांस्कृतिक, सामाजिक, पर्यटन जस्तो क्षेत्रमा यस संग्रहालयले भूमिका खेल्ने बताइन् ।
उद्घाटन कार्यक्रममा संस्कार अनुसार हुर्रा नाच समेत प्रस्तुत गरी संग्रहालय भित्र रहेका वस्तुको अनावरण समेत गरियो ।
कार्यक्रममा २ नं. वडाध्यक्ष श्री ममिन्द्रकुमार लिम्बु, कार्यपालिका सदस्य श्री सुवर्ण माया थापा लगायत वडा सदस्यहरुको समेत उपस्थित थियो ।
