धनकुटा । ओली सरकारको ज्यादतीको वरोध गर्दै देशभर विरोध प्रदर्शन गरिएको छ । यसैक्रममा धनकुटामा नेपाली कांग्रेसले आयोजना गरेको विरोध प्रदर्शनमा ठूलो संख्यामा प्रदर्शनकारीहरु सहभागी भएकाथिए ।
नेपाली कांग्रेस पार्टी कार्यालयबाट निस्किएको विरोध ¥याली यलम्वर चोक, टुडिखेल,तल्लो कोप्चे, माथिल्लोकोप्चे सिरानवजार, वीचवजार, हुलाकटोल हुदै बसपार्कमा कोणसभामा परिण भएको थियो । सो प्रदर्शनमा पदर्शनकारीहरुले ओली सरकार विरुद्ध चर्को नारा लगाउदै धनकुटा बजारको परिक्रमा गरी धनकुटा बसपार्कमा पुगी सभामा परिणत भई समापन भएको थियो ।
विरोध सभालाई सम्बोधन गर्दै पूर्वमन्त्री तथा नेपाली कांग्रेसका सहमहामन्त्री सुनिलबहादुर थापाले ओली सरकार सत्ता संचालन गर्न पूर्ण रुपमा असफल भईसकेकोको आरोप लगाए । उनले प्रधानमन्त्री ओली गणतन्त्र विरोधी भएको आरोप लगाए । उनले देशमा गणतन्त्रका लागि आन्दोलन भईरहदाँ वयलगाडामा चढेर अमेरिका जानु र नेपालमा गणतन्त्र आउनु एउटै हो भन्ने प्रधानमन्त्री ओलीकै कारण नेपालमा राजवादीहरु सक्रिय भैरहेको बताए ।
सहमन्त्री थापाले ओली सरकारको ३३ महिना शासनकाल जनताको सेवाका लागि भन्दा पनि भ्रष्टाचार गर्न व्यस्त रहेको आरोप लगाए । उनले वर्तमान सरकार जनताको सामान्य सुरक्षा गर्न असफल रहेको आरोप लगाउँदै अहिले हत्या, हिंसा र बलात्कारको घटना बढेको बताए ।
पूर्वमन्त्री थापाले वर्तमान सरकारको अर्कमण्यताकै कारण आमजनतामा गणतन्त्रप्रति वितृष्णा जाईरहेको आरोप लगाए । उनले सुशासन, शान्तिसुरक्षा र विकासका लागि नेपाली कांग्रेस नेतृत्वमा सरकार गठन हुनु पर्ने बताए ।
सो कार्यक्रममा संविधान सभा सदस्य तथा नेपाली कांग्रेसका केन्द्रिय आमन्त्रित सदस्य मनोहरनारायण श्रेष्ठले ओली सरकार जनताका लागि भन्दा ओम्नी र यती समूहको हितका लागि क्रियाशील रहेको बताए । उनले ओली सरकार शान्ति सुरक्षा र विकासमा भन्दा भ्रष्टाचारमा लिप्त रहेको र सरकारको ज्याजदी बढ्दै गएकाले आन्दोलनबाटै ओली सरकारलाई हटाउनु पर्नेमा जोड दिए ।
पूर्व जिल्ला सभापति श्रेष्ठ परिवर्तनका लागी अब कांग्रेस विभाजित भएर हैन एक ढिक्का भएर गाउँ गाउँबाट भ्रष्टाचार र ज्याजदी विरुद्ध अभियान सञ्चालान गर्ने बताए । उनले वर्तमान सरकार गफाडीको झुण्ड रहेको बताए ।
सो अवसरमा १ नम्वर प्रदेशका निर्वतमान प्रदेश प्रमुख प्राध्यापक डा. गोविन्द सुब्बाले ओली सरकारको तानाशाह र गणतन्त्र विरोधी क्रियाकलाप विरुद्ध लोकतान्त्रिक शक्ति एक हुनु पर्ने बताए । उनले ओली सरकार भ्रष्टाचारको संरक्षक रहेको आरोप लगाए ।
यस्तै प्रदेश सांसद लिला सुब्बाले ओली सरकारको कार्यकालमा महिला हिंसा दिन प्रतिदिन बढ्दै गएको आरोप लगाए । उनले महिलाहरुको सुरक्षाका लागी नेपाली कांग्रेस देशव्यापी रुपमा जागरण अभियान संचालन गर्नु पर्ने बताए ।
कांग्रेस सभापति अग्नीप्रसाद पौडेलको अध्यक्षमा सम्पन्न विरोध सभामा उपसभापति नवीन किशोर शाक्यले धन्यवाद मन्तव्य राखेका थिए । सचिव विजय सन्तोषी राईले सञ्चालन गरेका कार्यक्रममा कोषाध्यक्ष दिनेश राईले स्वागत मन्तव्य राखेका थिए ।
कार्यक्रममा संविधानसभा सदस्य अञ्जना ताम्ली, नेपाली कांग्रेस आदिवासी जनजाति समन्वय समितिका केन्द्रिय सदस्य आनन्दसन्तोषी राई, पार्टी नीति अनुसन्धान प्रशिक्षण प्रतिष्ठानका केन्द्रिय सदस्य रामजी कोङरेनलगायत ठूला संख्यामा नेपाली कांग्रेसका नेता तथा कार्यकर्ताहरु सहभागी भएका थिए ।