धनकुटा पुष ५ । नेकपाको आन्तरिक द्वन्द्व समाधान नभएपछि सरकारले संसल विघटन गर्ने सिफारिस गरेको छ । आज बसेको मन्त्रिपरिषद्को बैठकले संसद विघटन गर्ने निर्णय गरेको हो ।
हरेक हप्ताको सोमवार मन्त्रिपरिषदको बैठक बस्ने भएपनि आज मन्त्रिपरिषदको बैठक डाकिएको थियो ।
अचानक डाकिएको बैठकले ठूलै निर्णय गर्न सक्ने आकलन रहेको थियो । यससम्बन्धमा वार्ता गर्न अध्यक्ष प्रचण्ड वालुवाटार पुगेका छन् । हिजो प्रधानमन्त्री केपी ओली छलफलबाट समस्या समाधान गर्न अर्का कार्यकारी अध्यक्ष प्रचण्डलाई भेट्न प्रचण्ड निवास खुमलटार गएका थिए । सो भेटमा प्रधानमन्त्री ओलीले आरोप पत्र फिर्ता लिन आग्रह गरेका थिए । प्रचण्डले यस सम्बन्ध बैठकले निर्णय गर्ने भनेपछि प्रधानमन्त्री ओली छलफलका लागि गृहमन्त्री रामबहादुर थापासँग भेट गरेका थिए ।
सरकारले सिफारिस गरेको संसद विघटनको प्रस्ताव राष्ट्रपति विद्यादेवी भण्डारी कहाँ लगिएको जनाएको छ ।
यससम्बन्धमा पूर्व सभामुख ओनसरी घर्तिले यो असंवैधानिक कदम भएकाले राष्ट्रपतिले सच्चाउनु हुने छ भन्छन् । उनले राष्ट्रपतिले नसच्चाए सर्वोच्च अदालतले सच्चाउने विश्वास जनाए ।
