धनकुटा । प्रधानमन्त्री ओलीले संघीय संसद विघटन गरेकोमा नेपाल विद्यार्थी संघले मसाल जुलुससहित विरोध प्रदर्शन गरेको छ । सो जुलुसमा प्रधानमन्त्री ओलीविरुद्ध चर्को नारावाजी गरेका छन् ।
जुलुस पछि मदनचोकमा प्रधानमन्त्री ओलीको पुत्ला दहनसमेत गरेका छन् । नेविसंघ जिल्ला समिति र धनकुटा बहुमुखी क्याम्पस इकाईको संयुक्त आयोजनामा सो जुलुस प्रदर्शन गरिएको हो । संघले संसद विघटन असंवैधानिक र अलोकतान्त्रिक भएको भन्दै प्रधानमन्त्री ओलीविरुद्ध चर्को नारावाजी गरेका छन् । सो जुलुस भिमनारायण चोकमा भेला भएर बजार परिक्रमा सहित मदनचोकमा समापन गरेका थिए ।
मदनचोकमा आयोजित कोणसभामा कांग्रेस तथा संघका नेताहरुले नेपाली जनताले ५ वर्षको लागी सरकार चलाउन म्याण्डेट दिएको जिम्मेवारी पुरा नगरी असंवैधानिक र अलोकतान्त्रिक कदम चालेर प्रधानमन्त्रीले मुलुकलाई अनिर्णयको बन्दी वनाएको आरोप लगाए । सो कोणसभालाई नेपाली कांग्रेसका जिल्ला उपाध्यक्ष नवीनकिशोर शाक्य, जिल्ला सदस्य निर्मल ओझा, नेविसंघ धनकुटा क्याम्पस ईकाइ सभापति करुणा कट्वाल, एनसीआईसी इन्जिनियरिङ्ग क्याम्पस काठमाण्डौंका सभापति सरोज थापा, नेविसंघ जिल्ला उपाध्यक्ष विमर्श अमात्य, तरुणदल क्षेत्रीय उपाध्यक्ष तिलक महत, संघ धनकुटा क्याम्पस इकाई समिति सदस्य क्रान्तिराज पौडेललगायतले सम्वोधन गरेका थिए ।