धनकुटा ५ पुस । साँगुरीगढीको महाभारतमा सयौ युवा नेपाली कांग्रेसमा प्रवेश गरेका छन् । महाभारतमा आयोजित पार्टी प्रवेश कार्यक्रममा नेपाली कांग्रेस प्रवेश गरेका पूर्वगाविस उपाध्यक्षसहित सयौ युवालाई सहमहामन्त्री सुनिलबहादुर थापा, आमन्त्रित केन्द्रिय सदस्य मनोहरनारायण श्रेष्ठ, जिल्ला सभापति अग्नीप्रसाद पौडेल, महासमिति सदस्य आनन्द सन्तोषी राईलगायतका नेताहरुले टिका र माला लगाई स्वागत गरेको जिल्ला सचिव विजय सन्तोषी राईले जानकारी दिए ।
पार्टी प्रवेश कार्यक्रममा राप्रपा परित्याग गरी पूर्व महभारत गाविस उपाध्यक्ष लाखध्वज राई, राप्रपाका नेताहरु गजेन्द्र राई, देवेन्द्र राई, विजय राई, फर्समान राई, विक्रम राई, टिकाराज राई, थमन राई, पर्शुराम राई, राजु राई, भरत राई, कृष्णकुमार राई, पुरुण राई, धनकुमार राई, मंगल राई रामकुमार राई, कविन राई, सुमन राई, अरुणा राई, करुण राई, विरबहादुर राई, सुमन राई, इश्वर राई, दिनेश राई, चण्डिका राई, मिलन राई, मनकुमार राई, मदन लिम्बु, उस्मिता राई, दिव्यराज राई, बालकुमार राई, मानबहादुर राई, सुवास राई, पूर्णबहादुर राई, मदन राई, कल्पना राई, शर्मिला राई, योगेश राई, विनिता राईलगायत २ सय २८ जना नेपाली कांग्रेसमा प्रवेश गरेको छन् ।
सो अवसरमा सहमहामन्त्री थापाले वर्तमान नेकपाको सरकार भ्रष्टाचारमा चुर्ललम्म डुबेको र हरेक क्षेत्रमा असफल भएकाले आरोप लगाए । उनले देशलाइृ समृद्ध बनाउन अब नेपाली कांग्रेसको बहुमतको सरकार आवश्यक रहेको बताउँदै नेपाली कांग्रेसमा गोलबन्द हुन आग्रह गरेका थिए ।
सो अवसरमा कांग्रेस सभापति अग्नीप्रसाद पौडेल, महासमिति सदस्य आनन्दसन्तोषी राई, उपसभापति नवीनकिशोर शाक्य, सचिव विजयसन्तोषी राई, कोषाध्यक्ष दिनेश राई, नेताहरु कमोट फागो, हर्कमान चेम्जोङ, टिकादेवी भण्डारी, नेपालधन राई, मोहन बान्तवा, जितेन्द्र राई, प्रकाश राई, यमप्रकाश मगरलगायतले अहिले कोरोनाको महामारीको समस्या रहेको बेला जनतालाई बचाउन क्रियाशील हुनुपर्ने सरकार आपसी सत्तासंघर्षमा रुमलिएको आरोप लगाए । उनीहरुले कम्युनिष्ट सरकार सरकार सञ्चालनमा असफल भैसकेकोले अब कांग्रेसको विकल्प नरहेको वताए ।
कांग्रेस साँगुरीगढी गाउँपालिका वडा नं. ७ का सभापति विष्णु राईको अध्यक्षतमा सम्पन्न कार्यक्रममा स्वागत मन्तव्य तरुण दल वडा ८ का सभापति अविलास राईले र संचालन वडा ७ का सचिव देवेन्द्र राईले गरेका थिए । सो अवसरमा नवप्रवेशीहरुको तर्फबाट लाखध्वज राई र गजेन्द्र राईले मन्तव्य व्यक्त गरेका थिए । उनीहरुले देशमा स्थिरता र लोकतन्त्रका लागि नेपाली कांग्रेसल मात्र सक्ने भएकाले आफुहरु कांग्रेमा प्रवेश गरेका बताए ।
सो अवसरमा गायक राजकुमार राई लगायतका कलाकारहरुले गीतहरु प्रस्तुत गरी मनोरञ्जन गराएका थिए ।