धनकुटा ८ पुष । प्रधानमन्त्री केपी शर्मा ओलीले संसद विघटन गर्ने गरेको निर्णय असंवैधानिक भन्दै जनता समाजबाटी पार्टी धनकुटाले विरोध प्रदर्शन गरेको छ । पार्टी कार्यालयबाट शुरु भएको विरोध जुलुस बसपार्क, मदनचोक, हुलाकटोल, वीचवजार हुदै सिरानवजार भिमनारायण चोक परिक्रमा गरी पुनः सोहि मार्ग मदनचोकमा पुगेर कोणसभामा परिणत भएको पार्टीका नेता तथा धनकुटा नगरपालिका वडा नं. ३ का वडाध्यक्ष विकास घिमिरेले जानकारी दिए । जुलुसमा प्रधानमन्त्री ओलीविरुद्ध चर्का नारा लगाएका थिए ।
सो विरोध सभालाई पार्टीका केन्द्रिय सदस्य तथा प्रदेश नं. १ का प्रदेशसभा सदस्य आरसी तुम्बाले जनताले जुन विश्वासका साथ नेकपालाई मतदान गरेका थिए, प्रधानमन्त्री ओलीको संसद विघटनको निर्णयले जनतालाई विश्वासघात गरेको आरोप लगाए । उनले प्रधानमन्त्रीको हठवादीताले संसद विघटन गर्नु असंवैधानिक र संघीय लोकतान्त्रिक गणतन्त्रको खिल्ली उडाएको बताए । उनले नेकपाको आन्तरिक द्वन्द्वले देश अन्धकारमा धकेलिएको बताए ।
यस्तै कार्यक्रममा जसपाका केन्द्रिय सदस्य तथा संविधानसभा सदस्य राजकुमार राईले ओलीको निरकुश कदमको विरोध गर्दै सम्मानित सर्वोच्च अदालतले संसद पुनस्र्थापनाको निर्णय भई न्याय दिने विश्वास व्यक्त गरे । उनले नेकपाको जनताप्रतिको विश्वासघातको आगामी निर्वाचनमा जनताले दिनु पर्ने बताए ।