धनकुटा । नेकपाको दुई तिहाई निकट सरकारले संसद विघटन गर्ने निर्णय गरेसँगै नेपाली कांग्रेसको पक्षमा आकर्षण बढ्दै गएको छ । यसैक्रममा धनकुटा नगर क्षेत्रमा नेकपा र राप्रपाल परित्याग गर्दै सयौं नेता तथा कार्यकर्ताहरु नेपाली कांग्रेसमा प्रवेश गरेको पार्टी सचिव विजयसन्तोषी राईले जानकारी दिए ।
पार्टी प्रवेश कार्यक्रममा नवप्रवेशीलाई स्वागत गर्दै पूर्वमन्त्री तथा नेपाली कांग्रेसका सहमहामन्त्री सुनिलबहादुर थापाले कम्युनिष्टलाई मतदान गर्ने आधार समाप्त भएकोले अब नेपाली कांग्रेसको जित सुनिश्चित भएको बताए । उनले संसद विघटन अवैधानिक र अलोकतान्त्रिक भएको प्रतिक्रिया दिए ।
सो अवसरमा नेपाली कांग्रेसका आमन्त्रित केन्द्रिय सदस्य तथा संविधानसभा सदस्य मनोहरनारायण श्रेष्ठले देमा लोकतन्त्रको स्थायित्व र विकासका लागि कांग्रेस एकमात्र शक्ति भएको बताए ।
सो अवसरमा नेपाली कांग्रेस धनकुटाका सभापति अग्नीप्रसाद पौडेल, प्रदेश नम्वर १ सांसद लिला सुब्बा, नेपाली कांग्रेसका उपसभापति नवीनकिशोर शाक्य, सचिव विजयसन्तोषी राई, कोषाध्यक्ष दिनेश राई, क्षेत्रीय सभापति जितेन्द्र राई, कांग्रेसका युवा नेताहरु शान्ति खड्का, मिनबहादुर कार्की, भूपेन्द्र खड्काले कांग्रेस अब जनताको मन र मत जित्दै मुलुककै ठूलो र शक्तिशाली पार्टी हुने बताए ।
नेपाली कांग्रेस धनकुटा नगर कार्य समितिका सभापति रोशन श्रेष्ठ अध्यक्षतमा सम्पन्न कार्यक्रममा स्वागत मन्तव्य नगरका पूर्वसभापति गोविन्द्र वाग्लेले र संचालन सचिव सिताराम न्यौपानेले गरेका थिए । कार्यक्रममा नवप्रवेशीहरुको तर्फबाट राप्रपा धनकुटाका पूर्व जिल्ला सदस्यहरु यज्ञ कार्की, मिन कार्की, मुना पोखरेल, भुपेन्द्र कटुवाल र शान्ति खड्काले कांग्रेसको विकल्प नभएकोले कांग्रेसमा प्रवेश गरेको बताए ।
राप्रपा र नेकपा लगायत विभिन्न पार्टी परित्याग गरेका १ हजार ३ सय २८ जना नेपाली कांग्रेसमा प्रवेश गरेका थिए । पार्टी कार्यालयमा आयोजित पार्टी प्रवेश कार्यक्रममा राप्रपाका जिल्ला कार्यसमितिका पूर्व सदस्यहरु ,भूपेन्द्र कटुवाल, शेरबहादुर शाही, शान्ति खड्का, कुमार खनाल, शिलु राई, यज्ञ कार्की, लक्ष्मण तामाङ, अर्जुन कार्की, किरण ठकुरी, गोकुललाल श्रेष्ठ, नरेन्द्रकुमार श्रेष्ठलगायत १ हजार २ सय २३ जना छन् । यस्तै नेकपाबाट रचिन राई, बिनोद राई, जीवन राई, सन्जीव राई, चक्र राई, प्रदिप राई, रेणुका बस्नेत, मन कुमार राई, चन्द्र राई, हर्क राई, अनिल राई, राम बस्नेतलगायत १ सय ५ जना गरी जम्मा कांग्रेसमा प्रवेश गरेको नेपाली कांग्रेसका जिल्ला कोषाध्यक्ष दिनेश राईले जानकारी दिए ।
