धनकुटा । समीक्षा तथा अन्तक्र्रिया कार्यक्रम आयोजनासहित राष्ट्रिय पुनर्निर्माण प्राधिकरणको स्थापना दिवस सम्पन्न भएको छ । जिल्ला आयोजना कार्यान्वय इकाई (भवन), जिल्ला आयोजना कार्यान्वय इकाई (अनुदान व्यवस्थापन तथा स्थानीय पूर्वाधार एकाई) तथा जिल्ला आयोजना कार्यान्वयन इकाई (शिक्षा) को संयुक्त आयोजना सो कार्यक्रम सम्पन्न भएको छ । सो अवसरमा कार्यालयले स्थापना पछि धनकुटा जिल्लामा सम्पन्न गरेको आयोजनाका वारेमा जिल्ला आयोजना कार्यान्वय इकाई (भवन) का प्रमुख थीरेन्द्र दाहालले जानकारी दिएका थिए । सो अवसरमा प्रमुख दाहालले भूकम्पबाट कसरी बच्ने, कस्तो निर्माण गर्ने भन्ने वारेमा जानकारी दिएका थिए ।
यस्तै जिल्ला आयोजना कार्यान्वयन इकाई (शिक्षा) का प्रमुख पोखरेलले भूकम्प पछि जिल्लामा निर्माण सम्पन्न भएका विद्यालयका भवनहरुका वारेमा जानकार िदिएका थिए ।
सो अन्तक्रिया कार्यक्रममा जिल्ला प्रशासन कार्यालयका निमित्त प्रमुख जयराम श्रेष्ठ, पाख्रिवास नगरपालिकाकी उपप्रमुख देवकला तिम्सिना, महालक्ष्मी नगरपालिकाकी उपप्रमुख मञ्जु अधिकारी, जिल्ला समन्वय अधिकारी रामनारायण श्रेष्ठ, धनकुटा नगरपालिकाका प्रमुख प्रशासकीय अधिकृत रामबहादुर थापा, महालक्ष्मी नपाका प्रमुख प्रशासकीय अधिकृत सूर्यप्रसाद सुवेदी, प्रहरी प्रमुख गोविन्द अधिकारी, रेडक्रसका प्रदेश अध्यक्ष नरेन्द्र पोखरेल, जिल्ला अध्यक्ष हरि राई, नेपाल पत्रकार महासंघका अध्यक्ष राजेश्वरबहादुर श्रेष्ठलगायत विभिन्न कार्यालय, बैंकका प्रमुख तथा प्रतिनिधीहरुको सहभागिता रहेको थियो ।
भवन इकाइका प्रमुख थीरेन्द्र दाहालको अध्यक्षतामा सम्पन्न कार्यक्रमको संचालन इकाईका नासु खिरबहादुर बुढाथोकीले गरेका थिए ।