धनकुटान्युज ।
महालक्ष्मी नगरपालिकाले नगरका कोरोना भाईरसबाट संक्रमित भई आइसीयूमा उपचार गराएकी एक महिलाको परिवारलाई उपचार खर्चबापत आर्थिक सहयोग प्रदान गरेको छ । कार्तिक १९ गते बसेको नगरपालिकाको बैठकले पीसीआर परिक्षण गर्न लाग्ने खर्चमा ५० प्रतिसत उपलब्ध गराउने र आईसीयूमा उपचार गर्न परेमा अधिकतम २५ हजारसम्म आर्थिक सहयोग दिने निर्णय गरेअनुसार सो रकम उपलब्ध गराएको प्रमुख पर्शुराम नेपालले जानकारी दिए ।
महालक्ष्मी–४ चानुवाकी ४५ बर्षीया इन्द्रकुमारी विश्वकर्माको अईसीयूमा उपचार गराइरहेको अवस्थामा निधन भएको थियो । सो रकम उपचारका लागि भएको खर्चमा राहत पुगोस् भनेर परिवारलाई प्रदान गरिएको जनाएको छ । सो रकम दमारस्थित चानुवा माध्यमिक विद्यालयको बार्षिकोत्सवका अवसरमा गत शनिवार आयोजित कार्यक्रममा प्रमुख पर्शुराम नेपाल र उपप्रमुख मञ्जु कार्कीले इन्द्रकुमारीका श्रीमान् गोविन्द विश्वकर्मालाई रकम हस्तान्तरण गरेका थिए । निज विश्वकर्माको रुखबाट लडेर गंभीर घाइते भई उपचारका लागि विराटनगरस्थित नोबेल अस्पताल पुर्याइएपछि कोरोना संक्रमित भएकी थिईन । निजको गत कात्र्तिक २३ गते कोरोना भाईरसबाट संक्रमण पुष्टि भएको थियो । गंभीर अवस्थाकी उनलाई नोबेलको आईसीयूमा उपचारकै क्रममा कात्र्तिक २७ गते निधन भएको थियो ।
सो अवसरमा प्रमुख नेपालले आइसीयूमा उपचार गराउनु पर्ने नगर क्षेत्रका अन्य संक्रमितलाई पनि आईसीयूमा उपचार गर्नुपर्ने अवस्था आएमा सहायता रकम प्रदान गरिने जानकारी दिए । उनले कोहि नगरवासी रकम अभावमा कोरोनाको उपचारबाट बञ्चित रहनु नपरोस् भनि सो निर्णय गरिएको जानकार िदिए ।