धनकुटान्युज । साथी बचत तथा ऋण सहकारी संस्था लिमिटेड धनकुटाको १२ औ साधारणसभा सम्पन्न भएको छ । सो सभाले सम्पूर्ण शेयर सदस्यहरुलाई १० प्रतिशत बोनस वितरण गर्ने र विषयगत सहकारीहरुसँग मञ्र्ज गर्नका लागी अभियान संचालन गर्ने लगायतका विभिन्न निर्णयहरु गरेको संस्थाका अध्यक्ष जयन्द्र प्रधानले जानकारी दिए ।
सो सभाको जिल्ला सहकारी संघका अध्यक्ष सुन्दरबाबु श्रेष्ठले उद्घाटन गरेका थिए । सो अवसरमा श्रेष्ठले सहकारी अभियानबाट मुलुकलाई समृद्धी बनाउन सकिने बताए । उनले छरिएर रहेका थोरथोरै रकमहरुलाई एकीकृत गरी लगानीको अवसर सहकारीले दिलाउने बताए । उनले सहकारीको माध्यमबाट गाउँघरमै रोजगारी सृजना गर्न सकिने बताए ।
संस्थाका अध्यक्ष जयन्द्र प्रधानको अध्यक्षतामा सम्पन्न सभामा संस्थाका सचिव विजयसन्तोषी राईले प्रगति प्रतिवेदन पेश गरेका थिए । यस्तै कोषाध्यक्ष रुपेश श्रेष्ठले आर्थिक र लेखा समिति संयोजक शैलेसमान श्रेष्ठले लेखा समितिको प्रतिवेदन प्रस्तुत गरेका थिए ।
कार्यक्रममा जिल्ला सहकारी संघका कोषाध्यक्ष सावित्री श्रेष्ठ, साथी वचतका उपाध्यक्ष रोशेष श्रेष्ठ, सहसचिव अशिम शाक्य, सदस्यहरु टेकबहादुर डंगोल, कुमार श्रेष्ठ, सुजता श्रेष्ठ, कुसुम श्रेष्ठ जोशी, व्यवस्थापक दिपीका श्रेष्ठ, निर्वतमान सदस्य शान्ति श्रेष्ठ, शेयर सदस्य नारायण घिमिरेलगायतले आर्थिक समृद्धीको आधार सहकारी भएको बताए ।
सो अवसरमा ऋणीहरुमध्ये उत्कृष्ठ ऋणी बालकृष्ण तितुङ र उत्कृष्ठ बचतकर्ता नारायण घिमिरेलाई संस्थाको तर्फबाट पुरस्कुत गरिएको थियो । सो सभाले प्रस्तुत सबै प्रतिवेदनहरु पारित गर्दै धनकुटा नगर क्षेत्रमा विषयगत बचत सहकारीहरुसँग मञ्र्ज गर्नका लागी निर्णय गरी अभियान संचालन गर्ने जनाएको छ ।
