धनकुटान्युज । नेपाल तरुण दल धनकुटाको आयोजनामा पूर्वको पर्यटकीयस्थल भेडेटारमा रक्तदान कार्यक्रम सम्पन्न भएको छ । रतmदान कार्यक्रको प्रमुख अतिथी नेपाली कांग्रेस धनकुटाका कोषाध्यक्ष दिनेश राईले रक्तदान गरेर कार्यक्रमको शुभारम्भ गरेका थिए ।
सो अवसरमार राईले रक्तदान जीवनदान भएको बताए । उनले हाम्रो शरीरको रगत १ सय २० दिनमा खेर जान्छ भन्दैे रगत दान गरेर हामी आपतमा परेका अरु कसैको जीवन बचाउन सक्ने भएकाले मिल्नेहरु सबैले रक्तदान गर्नु पर्ने बताए ।
नेपाल रेडक्रस सोसाईटी सुनसरीको प्राबिधिक सहयोगमा रक्तदान कार्यक्रममा स्थानीय ३६ जनाले रक्तदान गरेको तरुण दलका उपाध्यक्ष धीरज तामाङले जानकारी दिए ।
तरुण दलका उपाध्यक्ष धिरज तामाङको संयोजकत्वमा सम्पन्न कार्यक्रममा नेपाली कांग्रेस प्रदेश क का सभापति जितेन्द्र रुम्दाली, लाइन्स क्लब अफ भेडेटार पाथिभराका अध्यक्ष डम्बर लामिछाने, लाइन्स क्लब अफ भेडेटार प्रथम अध्यक्ष रमेश श्रेष्ठ, आमा समूह भेडेटारकी अध्यक्ष शान्ति श्रेष्ठलगायतको उपस्थितिमा कार्यक्रम सम्पन्न भएको थियो ।
