धनकुटान्युज माघ ५ । जिल्ला न्यायाधीश फडिन्द्र पराजुलीबाट आज एक अनौपचारिक कार्यक्रममा सप्त गन्तव्यको शुभारम्भ भयो । न्यायाधीश पराजुलीले महेन्द्र पार्क पुनर्निर्माणका अगुवाहरूकै परिकल्पनामा शुरू गरिएको सप्त गन्तव्यको प्रथम गन्तव्य चतुर्मुखी शिवजीको मूर्ति कुद्ने कार्यको शुभारम्भ गरेका छन् । न्यायाधीश पराजुलीबाट महेन्द्र पार्कको उद्घाटन पनि गरियो ।
सो पार्क वि सं २०१२ सालमा तत्कालीन धनकुटा गौडाका बडाहाकिम रङ्गनाथ उप्रेतीको समयमा राजा महेन्द्रको धनकुटा भ्रमणको तयारीका निमित्त निर्माण शुरू गरिएको थियो । पार्क तत्कालीन बडाहाकिम गेहेन्द्र शमसेर थापाको पहलमा सल्लेरी वनपरिसरमा निर्माण गरिएको थियो । सो पार्कको पुनर्निर्माण सम्पन्न भयेको छ । सो पार्क निर्माणमा तत्कालीन गौडाले सरकारी खर्चमा बनाएको थियो ।
यो पार्क २०६२÷६३ को जनआन्दोलनपछि केही विद्यार्थीहरुले नामोनिसान नरहने गरी भत्काएका बताईन्छ । पार्कको समय समयमा नेपाली सेना, रेडक्रस सोसाइटी, होटल व्यवसायीहरुले मर्मत सम्भार गरेको थियो । सुरक्षाको अभावमा त्यो पनि संरक्षण हुन सकेको थिएन ।
यसैलाई मध्यनजर राख्दै अवकाश प्राप्त उपप्राध्यापक ठाकुरप्रसाद बरालको नेतृत्वमा पार्कको पुनर्निर्माण सम्पन्न गरिएको छ । सो पार्क पुनर्निर्माणका लागि लगभग तीन लाखजति खर्च भएको बरालले जानकारी दिए । पुनर्निर्माणका लागि सबै रकम शुभचिन्तक दाताहरबाट मात्रै संकलन भएको बरालले जानकारी दिए ।
पार्क पुनर्निर्माणमा मूर्तिकार श्रीकृष्ण जोशी, पत्रकार महासंघका अध्यक्ष राजेश्वरबहादुर श्रेष्ठ, स्थानीय ज्ञानबहादुर थापा, मनोजनारायण श्रेष्ठ, इश्वर श्रेष्ठ, मूर्तिकार सोपाल राईलगायत थुप्रै शुभेच्छुकहरूबाट सहयोग र समन्वय भएको बरालले जानकारी दिए । यस्तै पार्क निर्माणमा बरख गण सल्लेरी ब्यारेक, सशस्त्र प्रहरी बल छिन्ताङ गुल्म, कोशी आयुर्वेदको सहयोगसमेत प्राप्त भएको अर्का अभियान्ता मनोजनारायण श्रेष्ठले जानकारी दिए ।
सल्लेरी क्षेत्रलाइृ पर्यटकीय गन्तव्य बनाउने उद्देश्यका साथ अभियन्ताहरूको टोलीले सो क्षेत्रमा सात वटा गन्तव्य बनाउने परिकल्पनाअनुसार पहिलो गन्तव्य चतुर्भज शिवजीको मूर्ति कुद्ने कार्यको शुभारम्भ भएको हो । यस्तै अन्य गन्तव्यहरुमा देव शमशेर राणाले पाल टागेर तीन महिना बिताएको ठाउँ, हनुमानको मूर्ति, भ्यागुते ढुङ्गा आदि निर्माण गरिने अभियान्ता ज्ञानबहादुर थापाले जानकारी दिए ।
पर्क निर्माणमा कुनैपनि तहको सरकारको सहयोग नलिएको अभियन्ता बरालले जानकारी दिए । उनले जनस्तरबाट पनि नमूना पार्कको निर्माण गर्न सकिन्छ भनेर सरकारी सहयोग नमागिएको जानकारी दिए ।