धनकुटान्युज ।
प्रतिगनकारीको षडयन्त्र र अवसरवादीको कारण बहुमतको वर्तमान सरकारले संसद विघटन गर्नु परेको हो । सो कुरा नेकपा ओली पक्षद्वारा आयोजित बृहत कार्यकर्ता भेलामा गृहमन्त्री रामबहादुर थापा बादलले बताएका हुन् । उनले आफ्नै दलका पदलोलुप नेताहरुको कारण विघटन गरिएको संसद पुनस्र्थापना हुनु भनेको प्रतिगमन हुदै राजसंस्था स्थापना तर्फ उन्मुख हुनु हो भनि बताए ।
त्रिवेणी माविको प्राङ्गगडमा आयोजित कार्यक्रममा मन्त्री थापाले २०६२÷२०६३ को जनआन्दोलन पछि पुनस्र्थापित संसदले राजतन्त्र समाप्त गर्न सफल भयो तर अहिले पुनस्र्थापना भए राजतन्त्र पुनस्र्थापन हुने खतरा रहेने बताए । उनले प्रचण्ड माधवकुमार नेपालको अपवित्र गठबन्धनले सरकारविरुद्ध अविश्वासको प्रस्ताव ल्याउने र राष्ट्रपतिविरुद्ध महाअभियोग लगाउने तयारी भएपछि वाध्य भएर संसद विघटन गर्नुपरेको बताए । उनले प्रचण्ड नेपालको आफ्नै व्यवहारले हामी यहाँ छौ भन्न सडकमा पु¥याएको तर्क राखे ।
सो अवसरमा गृहमन्त्री थापाले राष्ट्रियता, विकास र स्थायित्वका लागि नयाँ जनादेशका लागि जनता समक्ष जाने बताउँदै संसद पुनस्र्थापनाका लागि आन्दोलन गर्नेहरु पच्छगामी भएको आरोप लगाए । नेकपा सचिवालय सदस्यसमेत रहेका थापाले अनौपचारिक रुपमा पार्टी विभाजन भैसकेको बताउँदै अधिकांश समय प्रचण्ड नेपालको विरोध गर्न समय खर्चिएका थिए । उनले पार्टीका राष्ट्रपति, प्रधानमन्त्री र पार्टी अध्यक्ष बन्न नपाएकाहरुको कारण यो अवस्था आएको बताए । उनले प्रतिगमनकारीहरुले यस्ता सत्ता लालचीहरुलाई प्रयोग गरिरहेको आरोप लगाए ।
सो अवसरमा केन्द्रिय सदस्यहरु देवराज घिमिरे, राजेन्द्र गौतम र गोपाल गुरागाँईले जनताको अभिमतका विरुद्ध प्रचण्ड नेपालको सत्तालिप्साले सरकारविरुद्ध कु गर्न खोजेपछि बाध्य भएर संसद विघटन गर्दै ताजा जनादेशका लागि जनतामा जानु परेको स्पष्ट पारे । उनीहरुले जनता राष्ट्रियता, विकास र स्थायित्व चाहने भएकाले बहुमत आफ्नो पक्षमा आउने ठोकुवा गरे ।
नेकपा धनकुटाका अध्यक्ष तथा निवर्तमान सांसद राजेन्द्रकुमार राईको अध्यक्षतामा भएको कार्यक्रममा धनकुटा नगरपालिकाका प्रमुख तथा नेकपाका नेता चिन्तन तामाङले स्वागत मन्तव्य राखेका थिए । कार्यक्रमको सञ्चालन नेकपाका नेता उज्ज्वल किराती र नैन विश्वकर्माले गरेका थिए ।
सो अवसरमा धनकुटा बहुमुखी पाठशालाका कलाकारहरुले आकर्षक नृत्य प्रस्तुत गरेका थिए । यस्तै चौविसे गाउँपालिकाका उपाध्यक्ष यज्ञकुमारी रुचालले स्वागत गीत प्रस्तुत गरेकी थिईन् ।
सो अवसरमा प्रदेश सांसदहरु इन्द्रमणी पराजुली, निरन राई, विना राई, स्थानीय तहका जनप्रतिनिधिहरुलगायत नेकपाका नेता तथा कार्यकर्ताहरुको सहभागिता रहेको थियो ।
सो अवसरमा राप्रपा र नेपाली कांग्रेस परित्याग गरी दर्जन जति कार्यकर्ताहरु नेकपा प्रवेश थिए ।
सो सो कार्यक्रममा सहभागी हुन गृहमन्त्री आउने क्रममा गोकुण्डेश्वर मावि अगाडी सडकमा नेविसंघका नेता तथा कार्यकर्ताहरुले कालो झण्डा देखाएर विरोध जनाएका थिए ।
