धनकुटान्युज माघ १० । आज शनिवारको शुभसाईत पारेर सल्लेरीवन हाताभित्र संकटा मन्दिरको प्रतिस्थापन गरिएको छ । सो मन्दिरको एक कायृक्रमका वीच मूर्तिकार श्रीकृष्ण जोशी तथा धनकुटा नगरपालिका वडा नं. ६ का वडा सदस्य बेणुबहादुर बस्नेतले संयुक्त रुपमा प्रतिस्थापन गरेका हुन् ।
सोहि अवसरमा भक्तजनहरुले मन्दिरमा पुजाआजासमेत शुरु गरेको अभियान्ता ठाकुरप्रसाद बरालले जानकारी दिए । धनकुटामा संकटा मन्दिर नभएकाले संकट मोचनका लागि पुजा गर्नु पर्ने भक्तजनहरु विराटनगर वा काठमाडौं जानु पर्ने अवस्था थियो ।
विशेषगरी संकटको दशा लागेकाहरु संकटाको मन्दिरमा शनिवारका दिन कालो कपडा, तेल, फलामको काटीलगायत चढाएर पुजा गर्दा संकट मोचन हुन्छ भन्ने सोचाई छ ।
अभियान्ताहरुको पहलमा यसअघि यो क्षेत्रमा भग्नावशेषा रुपमा रहेको महेन्द्र पार्कको पुनर्निर्माण गरिसकेका छन् । अभियान्ता तथा परिकल्पनाकार ठाकुर बरालकाअनुसार यो क्षेत्रलाई पर्यटकीय क्षेत्रका रुपमा विकास गर्न सप्त गन्तव्यका रुपमा पूर्वाधारहरु निर्माण गरिदै जाने जानकारी दिए । उनले यसका लागि धार्मिक तथा रमणीयस्थल निर्माण गरिने जानकारी दिए ।
यस्तै अर्का अभियानकर्ता ज्ञानबहादुर थापाले मन्दिरस्थपनासँगै चतुर्भुज शिवको प्रतिमा निर्माण कार्य शुरु भएको जानकारी दिए । उनले आगामी केहि वषभित्र यो क्षेत्र धार्मिकस्थलका रुपमा विकास हुने विश्वास जनाए ।
सो अवसरमा अभियान्ताहरु राजेश्वरबहादुर श्रेष्ठ, मनोजनारायण श्रेष्ठलगायतको भक्तजनहरुको उपस्थिति रहेको थियो ।
