धनकुटान्युज १२ माघ । सहिद सप्ताहको अवसरमा सहिद भीमनारायण श्रेष्ठ स्मृति प्रतिष्ठानद्वारा सहिद भीम नारायण श्रेष्ठको सालिकमा माल्यार्पण गर्दै श्रद्धाञ्जली व्यक्त गरेका छन् । सो अवसरमा संविधान सभा सदस्य तथा प्रदेश सभा सदस्य सांसद लिला सुब्बा, नेपाल विद्यार्थी संघका केन्द्रिय अध्यक्ष राजीव ढुगाना, नेपाली कांग्रेसका उपसभापति नवीनकिशोर शाक्य, सचिव विजयसन्तोषी राइ, रवीन्द्र नेपाली, सहसचिव सीता प्रधान, सदस्य रोशेष श्रेष्ठ, कांग्रेस धनकुटा नगर सभापति रोशन श्रेष्ठ, शिक्षक संघका प्रदेश उपाध्यक्ष गंगाराम ढुंगाना, महिला संघका उपाध्यक्ष अम्विका धमला, नेपाल तरुण दलका क्षेत्रीय अध्यक्ष तिलक महत, नेविसंघ जिल्ला अध्यक्ष बालानन्द भूर्तेललगायतले सहिद श्रेष्ठको सालिकमा माल्यपर्ण गर्दै श्रद्धाञ्जली व्यक्त गरेका छन् ।
सो अवसरमा उनीहरुले सहिदको बलिदानबाट प्राप्त लोकतन्त्रको संस्थागत विकासका लागि सबै इमान्दारिताका साथ लाग्नु पर्ने बताए । प्रतिष्ठानका अध्यक्ष पुरेन्द्रलाल श्रेष्ठको अध्यक्षतामा सम्पन्न कार्यक्रममा सहिदपुत्र मनोजनारायण श्रेष्ठ, धनकुटा नगरपालिका वडा नं. ५ का अध्यक्ष धनकुमार राई, वडा नं. ६ का वडाध्यक्ष नरेश श्रेष्ठ, सदस्य मिलन खड्गी, कांग्रेसका क्षेत्रीय कोषाध्यक्ष निरुपा राईलगायतको सहभागिता रहेको थियो ।
